Марката часовници Scalfaro има слабост кон автомобилите. По Mercedes 300 SL и Ferrari 250 GTO, на ред се следниот легендарен автомобил и неговиот креатор – Porsche 917 и Ханс Мецгер.
Porsche 917 е тркачкиот автомобил на столетието, а неговиот мотор со 12 цилиндри е една од најгенијалните конструкции во производството на мотори. Возилото беше развиено во 1968 година по иницијатива на Фердинанд Порше, а негов креатор беше Ханс Мецгер, кој подоцна го направи и дванаесетцилиндарскиот мотор со 1.100 КС. Со овој болид Porsche победи во генерален пласман на 24-часа Леман во 1970 година. Производителот на ексклузивни часовници Scalfaro сега му оддава чест на возилото и на Ханс Мецгер, со ограничена серија часовници.
Scalfaro LM917 Hans Mezger Edition содржи оригинални делови од тркачкиот болид Porsche 917, кои се вметнати во куќиштето на часовникот. Тркачките бои, целното знаме и основата на часовникот се изработени во стил на болидот. На проѕирното дно на часовникот се наоѓа скица на бандажите на Porsche 917 и дел од патеката во Леман. Покрај потписот на Ханс Мецгер, на часовникот се наоѓа и гравура со неговиот сериски број.
Часовникот се препознава по „вентилаторот“ покрај ознаката за 9 час, кој произведува мало воздушно струење и ја одведува топлината од телото и од триењето во механизмот. Овој воздух циркулира низ отворот на бројчаникот, меѓу долниот „машински простор“ и студениот „кокпит“ под стаклото, овозможувајќи оптимална температура во часовникот. Серијата е ограничена на 917 примероци, со цена на примерок од околу 7.000 евра.