Дарко Јаконов
Јапонските олдтајмери сé почесто се појавуваат на светската сцена на автомобилската класика и на престижот. Пред две години, во Кјото се одржа првиот „Конкурс на елеганција“ по пример на италијанскиот Вила д‘Есте или калифорнискиот Пебл Бич.
На „Кјото 2018 Конкурс на елеганција“, којшто се одржуваше од 29-ти март до 3-ти април, пристигнаа олдајмери од три континенти. Третото издание на собирот на скапи автомобили и богати колекционери се одржа во замокот Ниџо, којшто е изграден во 17-от век и се наоѓа под заштита на Унеско.
Историските модели на Alfa Romeo доминираа на престижниот собир, за што сведочи и титулата „Најдобра на шоуто“ за Alfa 6C 2500 Super Sport Villa d’Este од 1951 година. Само 36 примероци се изработени во Carrozzeria Touring во Милано, меѓу 1949 и 1952 година.
Олдтајмерите на Alfa Romeo победија во три од вкупно 12 класи
Уште два историски модели на Alfa Romeo победија во своите класи: Alfa 6C 2500 Sport Berlinetta Touring од 1939 година, во некогашна сопственост на принцот Каетани (во класата на предвоени модели од Италија) и 1900 Super Sprint Touring од 1955 година (италијански автомобили 1952-1961).
Alfa Romeo уште од почеток го подржува настанот организиран од Хидемото Кимура и на годинешниот собир го испрати уникатниот 1900 C52 Coupé, односно Disco Volante за познавачите. Бесценетиот уникат пристигна директно од музејот на Alfa во Арезе, за во Кјото да парадира заедно со осумте модерни примероци од Disco Volante Coupe, изработени во Carrozzeria Touring.
По завршувањето на манифестацијата, колоната скапоцени олдтајмери се упати кон Токио, кадешто се очекува да пристигне на 8-ми април.
Камионите се подобри олдтајмери
Олдтајмери вредни 20 милиони евра бараат нови сопственици на Техно Класика
На овие олдтајмери најмногу им пораснала вредноста
Hispano-Suiza од 1927 прогласен за најдобро сочуван олдтајмер
Автомобили што не се забораваат: Alfa Romeo 155 Q4
60-годишнина на Alfa Romeo Giulietta
https://www.facebook.com/461785290685078/photos/a.462066320656975.1073741829.461785290685078/763386010525003/?type=3
