Toyota ќе откупи 24 милиони акции на Suzuki во вредност од 815 милиони евра, додека Suzuki на берзата ќе купи акции за половина од таа сума. Тоа е одговор на промените што следат во браншата, откако во бизнисот се вклучуваат се повеќе компании кои
Корпорацијата Toyota и корпорацијата Suzuki го здружуваат капиталот. Спогодбата е потпишана денес (28-ми август), а целта да се постигне долгорочна соработка во нови деловни подрачја, меѓу другото и во автономното возење.
Двете компании постепено го унапредуваат партнерството уште откако беше потпишан првиот договор за соработка, на 12-ти октомври 2016. Toyota и Suzuki годинава во март објавија дека покрај меѓусебна размена на модели и компоненти, ќе преминат и на заеднички развој и производство. Toyota пристапува во соработката со своето искуство во електрификацијата на погонската спрега, додека Suzuki ја нуди експертизата во развојот и производството на малечки и компактни автомобили.
Toyota pulls Suzuki firmly into its orbit through stake deal https://t.co/JmSqpDbMy0 pic.twitter.com/uKlABFYImY
— Reuters (@Reuters) August 28, 2019
Toyota and Suzuki Motor are strengthening their alliance https://t.co/zgV6ATcLpa
— Bloomberg (@business) August 28, 2019
Јапонските автомобилски гиганти образложуваат дека ова унапредување на соработката следи како резулат од радикалните промени што се случуваат во глобалната автомобилска бранша, кои се поттикнати главно од строгите барања за заштита на животната средина. Меѓутоа, големо влијание имаат и новите моќни играчи, кои пристигаат од други бранши, вклучувајќи ги и моќните компании за новите видови на мобилност, од типот на Uber или Waymo.
Преку соработката, Toyota и Suzuki ќе направат нивните модели уште повеќе да се издвојуваат во конкурентската трка, но секоја марка ќе продолжи да си ја почитува сопствената стратегија и моделска политика
Toyota и Suzuki ќе соработуваат во нови подрачја и ќе ги унапредуват истите, но во исто време ќе го задржат конкурентскиот однос. Соработката меѓу другото ќе придонесе двете различни марки уште повеќе да ги издвојат своите модели во конкурентската трка, при што секоја марка ќе ја следи сопствената стратегија и моделска политика.
Здружените компании ќе извршат меѓусебна размена на акциите. Toyota ќе купи 24 милиони матични акции на Suzuki (4,94% од акциите што Suzuki ги има издадено на 31-ви март 2019, не вклучувајќи ги сопствените акции), во вкупна вредност од 96 милијарди јени, односно повеќе од 815 милиони евра.
Suzuki ќе обезбеди удел во Toyota во вредност од 48 милијарди јени, преку откуп на акции на берзата.