Samsung им се посветува на корисниците на социјалните мрежи и на љубителите на селфи со новиот Galaxy A7, којшто во одредени моделски изведби користи две СИМ-картички.
Јужнокорејскиот производител Samsung ја прошири серијата од паметни телефони со Galaxy A7, со екран sAMOLED од 5,5 инчи и резолуција од 1280х720 пиксели. Исто како претходниците A3 и A5, тенкиот Galaxy A7 е оптимиран првенствено за размена на содржини во социјалните медиуми. Димензиите на компактното куќиште се 151 х 76,2 х 6,2 милиметри.
Galaxy A7 ќе биде достапен во две верзии коишто се разликуваат во процесорот. Во моделот со поддршка за две СИМ-картички и LTE работи 64-битен Qualcomm Snapdragon 615, којшто се состои од по четири јадра А57 и А53 и работи со 1,5, односно 1 GHz. Втората верзија со една СИМ-картичка исто така користи осумјадрен процесор, но се работи за сопствениот 32-битен Exynos 5430, составен од четири јадра А15 и четири јадра А7, коишто работат на 1,8, односно 1,3 GHz.
На вградените процесори им стои на располагање работна меморија од 2 GB и интерна меморија од 16 GB, коишто со картичка microSD можат да се прошират до максимално 64 GB. Капацитетот на вградените батерии изнесува 2600 mAh. Предната камера снима со 5 мегапиксели и со функциите како Ultra Wide Shot и Auto Selfie особено одговара за автопортрети. Со овие функции може да се направат фотографии со говорна команда или со замавнување. Задната камер има резолуција од 13 мегапиксели, како и LED-блиц.
Обата уреда подржуваат Wi-Fi 802.11 b/g/n, Bluetooth v4.0, A-GPS + GLONASS. Покрај тоа, верзијата со еден СИМ е опремена со NFC. Како оперативен систем се користи Android 4.4 (KitKat). Не е познато дали ќе се понуди преоѓање на Android 5.0 (Lollipop). Samsung Galaxy A7 ќе стартува со продажба кон крајот на март.