Дарко Јаконов
Freelander и Range Rover Evoque можат да издржат секакво малтретирање по терен, но имаат проблем да го задржат маслото во моторот.
Две моделски серии на британскиот специјалист за теренци мораат принудно да ги посетат сервисните работилници. Land Rover Freelander и Range Rover Evoque имаат проблем со системот за впрскување гориво во дизелските мотори, кој може да предизвика истекување на горивото. Во најлош случај може да се наталожи дизелско гориво под моторот. Возилата се произведени во периодот меѓу јануари 2012 и октомври 2013.
Интерната контрола утврдила можност за грешка при монтажата на возилата. Како последица од тоа, О-прстенот што се користел на приклучокот на повратниот вод за гориво може да излизга од лежиштето. Околу 150.000 возила од овие два модела што се продавани на сите пазари на марката низ светот мора да го посетат сервисот заради отстранување на пропустот. Во сервисите ќе се проверува дали истекува масло од моторот и во тој случај ќе се заменува О-прстенот и ќе се вградува нов модул за повратен вод на горивото. Целата постапка ќе трае помалку од десет минути.
