Магазин

Монако ги празнуваше најскапите и најбрзите автомобили

Кнежевството на Азурниот Брег ги прославуваше најскапите и најбрзите автомобили во светот на „Top Marques Monaco“. Рекорден број посетители пристигаа на овој единствен и ексклузивен салон на автомобили што се одржува секоја година.

Повеќе од 4.500 посетители пристигнаа во Грималди Форум, на четиридневниот собир на најскапите, најфутуристички и најексклузивни автомобили во светот. Годинава не отсуствуваа ниту летечки автомобили, каросерии обложени со дијаманти вредни 2 милиони евра, па дури имаше и автомобил со златни рипки во кабината.

За разлика од обичните салони кадешто автомобилите мируваат изложени на штандовите, тоа што дополнително му дава посебност на овој собир е можноста ретките и скапоцени автомобили да се доживеат и во возење по улиците на Монте Карло. Овие „ексклузивитети“ се сосем очекувани на манифестација што е под покровителство на групацијата Едмонд де Ротшилд.

Today's #TuesdayThrill is a beautiful set of photos by Van Dorp Exclusive Automobiles taken around Monaco during…

Posted by Top Marques Monaco on Tuesday, May 2, 2017

Топ-марките во Монако“ низ годините станаа задолжително одредиште за ентузијастите, но и за автомобилските мануфактури на коишто им е од суштинска важност да се појават во Монако. Настанот прераснува во еден вид „Женевски авто-алон на азурниот брег“. Ако салонот покрај езерото Леман е карактеристичен по ексклузивните автомобили, во Монако пристигаат уште поексклузивните.

Секоја година расте бројот на посетители, кои пристигаат од цел свет. Тоа секако не е без причина. Годинава пред публиката премиерно се појави Calafiore C10, италијански суперавтомобил изработен рачно од карбон, дуралуминиум и злато, а посебна сензација беше Frangivento Asfane, најскапиот аквариум“ во светот, вграден зад седиштата на родстерот. Franfivento е втор модел од дизајнерите Паоло Панчини и Џорџо Пирило, воедно и прв италијански суперавтомобил со погон на струја. Испораките ќе стартуваат по две години, цената е 1,5 милион евра, минимум. Во цената се вклучени и двете златни рипки, Нимо и Дори. AeroMobil и Pal-V Liberty донесоа дел од иднината, како летечки автомобили што се веќе подготвени за производство.

Важни светски имиња ги соединуваат своите влијанија и моќи за време на собирот на суперавтомобилите во Монако. Покрај главниот спонзор, групацијата Едмонд де Ротшилд, меѓу подржувачите на манифестацијата се среќаваат и Dotta Immobilier, Burgess Superyachts, Silversea, Sivelena, Gruppo Meregalli, The Societe des Bains de Mer и дирекцијата за туризам на Монако.

За „ситнежот“ што ќе им преостане на постојните и идните сопственици на суперавтомобилите, во рамките на манифестацијата се одржува и изложба на скапоцени часовници, рачно изработен накит и луксузни производи од секаков вид и намена. Бројките од продажбите на овие производи се импресивни, вклучувајќи ја и сумата. Меѓу експонатите се најде и маса вредна 250.000 евра, изработена целосно од титаниум.

Повеќето од автомобилите што годинава и во претходните тринаесет години се појавуваа на „топ-марките“ се продаваат уште пред да заврши салонот. Преостанатите ќе бидат продадени малку подоцна. Потребно е време додека мануфактурите ги изработат возилата според нарачките на идните сопственици.

Неколку факти од 14-от Топ-Марки Монако

  • Седум светски премиери во Ravel Supercar Hall
  • Извршени повеќе од 1.200 тест-возења по патеката за Ф1
  • Рекордни продажби на часовници и накит во Luxury Lane и Watch Pavillon
  • За 25% зголемена продажба на билети во споредба со лани
  • За 50% зголемена продажба на ексклузивни билети со вклучен ручок во ресторанот VIP Supercar
  • Над 5.000 чаши пенливо вино послужени во Шампањ-бар и ВИП-салонот
  • Крштевање на луксузниот крстосувач Silver Muse, знаменосец на компанијата Silversea, во предвечерието на манифестацијата, во пристаништето Херкулес

Манифестацијата в година се одржува од 19-ти до 22-ри април

Top Marques Monaco

Flickr Album Gallery Powered By: Weblizar
Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729