за

Mercedes-AMG GLS 63: Забава за 612 КС на површина на дневна соба

Mercedes-AMG GLS 63
Mercedes-AMG GLS 63

Mercedes GLS веќе важи како S-Class меѓу теренците, а сега покажува талент да биде и Ф1-болид меѓу теренците. Новиот Mercedes-AMG GLS 63 спојува сé, од емотивен дизајн и луксузна опрема, до места за седум патници и перформанси на спортски автомобил.

Четирилитарски V8 со битурбо-натполнење, 612 КС и стартер-генератор со 22 КС, во комбинација со 48-волтна мрежа, прават (речиси) совршен луксузен автомобил од Mercedes GLS. На тоа се надоврзуваат и целосно приспособлив погон на сите тркала од AMG, деветстепен автоматик, активно подвозје и пневматска амортизација. Само цената е „граница“.

Надворешниот печат на AMG е препознатлив по маската со вертикални и хромирани пречки, како и по испакнувањето во хаубата или диодните светла со повеќе снопови што се дел од стандардната опрема. Внатре следи вообичаената комбинација од луксуз и вкусно изведен спортски амбиент, вклучувајќи дигитални инструменти и средишен дисплеј што се поставени под заедничко стакло. Возачот може да избере четири прикази на овие дисплеи: Модерна класика, спортски, децентен и суперспортски.

New photo by Automedia MK / Google Photos

Меѓускиното растојание е значително подолго во споредба со претходникот, со што се создаде простор за трет ред седишта. Растојанието за колената во последниот ред е зголемено за 87 милиметри. По желба може да се испорача среден ред со две единечни седишта и комфорни потпирачи за рака, со олеснет приод до третиот ред во средина.

Четирилитарскиот V8 првпат работи во комбинација со стартер-генератор, кој краткотрајно може да испорача моќност од 22 КС и 250 њутнметри. Тоа е добредојдено при спринт или престигнување. Батеријата од којашто пристига енергијата за оваа функција се полни при сопирање.

Вградувањето 48-волтна мрежа дозволува и нови функции, како што се активните стабилизатори, кои досега не можеа да се реализираат со 12-волтна мрежа

Со своите 612 КС, плус 22-те КС од стартер-генераторот, имајќи ги предвид и 850-те њутнметри, GLS 63 спринтува до сто за 4,2 секунди. Со доплата за посебен пакет (плус возачка обука), ограничувањето на крајната брзина се поместува од 250 на 280 километри на час. За возачкото доживување придонесува и 9-степениот класичен автоматик, со функција на меѓугас. Во Mercedes посебно нагласуваат дека нивниот Speedshift TCT може да префрли директно од 9-от во 5-от степен, при „кикдаун“.

New photo by Automedia MK / Google Photos

За динамични возни својства и лимузински комфор се грижи приспособлива пневматска амортизација, со три режими на работа. Во спортските програми, каросеријата се спушта за 10 милиметри, што во комфорната програма се случува автоматски кога ќе се надминат 120 km/h. Оваа грамада од автомобил станува тркачки болид кога во свијоци ќе почне да се покажува работата на системот за спречување на страничното наведнување. Овој систем работи на 48-волтна мрежа и се состои од електромеханички активатори на двете оски, кои спречуваат наведнување на каросеријата.

Уште еден талент за приспособување на GLS 63 прикажуваат системите AMG Dynamics и AMG Dynamic Select, со шест програми кои соодветно влијаат врз управувањето, распределбата на вртежниот момент меѓу оските, погонот на сите тркала и активните стабилизатори.

Шесте програми за возење на GLS 63:

  • „Comfort“: Рано префрлување во повисок степен, комфорна работа на подвозјето и управувањето.
  • „Sport“: Директна реакција на педала на гас, побрзо префрлување на степените и порано враќање степен, подинамично подвозје.
  • „Sport+“: Уште подиректен гас, задржување на вртежите при префрлување во повисок степен, побрзо поаѓање; Подвозјето, управувањето и погонот работат уште подинамично.
  • „Individual“: Лично местење на погонот, менувачот, подвозјето и издувот.
  • „Trail“: Безбедно возење на мека и лизгава подлога, каросеријата се подига 55 mm, над 70 km/h повторно се спушта.
  • „Sand“: Погонот користи поспортски режим по ситнозрнеста и растресита подлога, каросеријата се подигнува за 55 mm и над 70 km/h повторно се спушта.

Програмите дополнително се поврзани со AMG Dynamics, со функции „Basic“, „Advanced“ и „Pro“, за уште потесен избор на работата. Во теренските програми „Trail“ и „Sand“, на пример, тука следи натамошен избор меѓу „Traction“ и „Slide.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

View this post on Instagram

[Kraftstoffverbrauch kombiniert: 11,9 l/100km | C02-Emissionen kombiniert: 273 g/km | Angaben vorläufig | amg4.me/efficiency-statement] * The new Mercedes-AMG GLS 63 4MATIC+ – serenity at the highest level. The "S-Class among SUVs" is more dynamic and versatile than ever before. Emotive design, exclusive appointments, plenty of space for up to seven people, and further improved driving dynamics make the GLS 63 an unrivaled package in the Luxury SUV segment! #MercedesAMG #DrivingPerformance #GLS63 #SUV * Angaben zum Kraftstoffverbrauch und CO2-Emissionen sind vorläufig und wurden vom Technischen Dienst für das Zertifizierungsverfahren nach Maßgabe des WLTP-Prüfverfahrens ermittelt und in NFZ-Werte korreliert. Eine EG-Typgenehmigung und Konformitätsbescheinigung mit amtlichen Werten liegen noch nicht vor. Abweichungen zwischen den Angaben und den amtlichen Werten sind möglich.

A post shared by Mercedes-AMG (@mercedesamg) on

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Калифорнија ќе дозволи само пет марки автомобили

Калифорнија ќе дозволи само пет марки автомобили

Toyota RAV4 Plug-in hybrid

Toyota RAV4 со плагин-хибрид како рутинска вежба