за

Победникот на тенискиот турнир во Минхен доби BMW M850i

Николоз Басилашвили победи на BMW Open 2021 и награден е со M850i xDrive Gran Coupé преработен од архитектот на BMW Welt.

Победникот на тенискиот турнир во Минхен доби BMW M850i

Николоз Басилашвили е победник на отвореното тениско првенство на BMW. Финалето во Минхен му ја донесе петтата АТП-победа на Грузиецот. Покрај сумата за победникот, 29-годишникот според традицијата на минхенскиот турнир доби кожени пантолони, но доби и ексклузивен примерок од BMW M850i xDrive Gran Coupé, во вредност од 182.920 евра.

Врвниот архитект Волф Д. При, кој меѓу другото е автор и на Светот на баварската марка, на BMW Welt во Минхен, беше задолжен за уште повеќе да го облагороди автомобилот наменет за победникот на отвореното првенство во тенис на BMW. На средишните кровни столбови се воочуваат првичните скици од BMW Welt. Тие се повторуваат и во средишната конзола, создавајќи посебно чувство во кабината.

Грузискиот тенисер не се двоумеше да го проба својот нов автомобил на црвениот песок, откако Лена Герке, амбасадорка на BMW, ја довезе ексклузивната купе-лимузина M850i на теренот. Од автомобилот со потпис на Волф Д. при постојат само три примероци.

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Американците не се снаоѓаат најдобро на кружен тек

Рекордот од 1957 година до вечноста: Од Бреша до Рим со 157,65 km/h