Дарко Јаконов
Договорот на Себастијан Фетел со Ferrari истекува кон крајот на годината. Додека неговиот тимски колега потпиша до 2024 година и доби зголемување на платата, договорот на четирикратниот шампион ќе биде продолжен на само една година, по значително пониска сума.
Трките во Формула 1 во моментов мируваат, но зад кулисите се водат тешки преговори за милионски суми. Шефот на тимот Scuderia Ferrari, Матија Биното, во официјално интервју изврши притисок врз Фетел, изјавувајќи дека очекува „тој да покаже резултати“, а сега следи уште еден обид за германскиот шампион да се доведе во тесно.
Според информациите на каналот Sky, Ferrari ќе го продолжи договорот што истекува кон крајот на годината, но под многу понеповолни услови за Себастијан Фетел. Додека неговиот тимски колека Чарлс Леклерк доби продолжување на договорот до 2024 година, вклучувајќи масивно зголемување на платата, договорот на четирикратниот светски шампион ќе се продолжи за само една година и за значително пониска сума. Германецот заработува околу 35 милиони евра годишно. Тоа сега е премногу за Ferrari.ж
Предизвик за Фетел останува освојувањето на шампионската титула во Ferrari – тоа што на неговиот идол Шумахер му успеа петпати
Во оваа фаза од кариерата, на Фетел не му се важни парите, туку најмногу му значи да ја освои шампионската титула со Ferrari. Тоа му успеа петпати на неговиот голем идол Михаел Шумахер. Прашањето е дали Фетел навистина мора да ја прифати скусената понуда? Проблемот е што следи и негово деградирање, затоа што новата ѕвезда во тимот веќе одамна е Леклерк.
Берни Еклстоун исто така има став за ситуацијата околу својот пријател. „Претпоставувам дека тој не гледа во Биното некој што може да му помогне и му е потребен во оваа ситуација. Поради тоа, Себастијан треба да се откаже или да побара алтернатива за 2021 година.“ Некогашниот прв човек на најбрзиот циркус во светот цени дека McLaren, повторно со мотори од Mercedes во следната сезона, би бил најдобар избор за Фетел.
