за

Првите бришачи за ветробран работеле уште во 1903 година

Производителите дури во 1920-те години почнуваат со помасовно вградување бришачи во автомобилите. Тоа не треба да чуди, имајќи предвид дека автомобилите во тие времиња најчесто имаат отворена каросерија, така што видливоста е „најмал“ проблем.

mercedes музеј први бришачи

Постојаната поставка на музејот на Mercedes во Штутгарт содржи 160 возила и 1.500 експонати. Посебен составен дел се „33 Extras“. Таму се наоѓаат едни од највредните сведоштва за автомобилската историја, но честопати и општи сведоштва за светот низ времето. Претходно објавивме за најстарата возачка дозвола во светот, што се наоѓа во музејот и издадена е во 1910 година. Следат неколку интересни факти и приказни за историјата на бришачите.

Бришачи за чиста глетка

Ветробранот ги спаси возачот и патниците од постојана изложеност на водушните струи при возењето. Но, поставувањето ветробран во автомобилите донесе нов предизвик. Капките дожд на ветробранот ја попречуваат видливоста. Возењето во такви услови е небезбедно. Решението пристигна веќе во 1903 година. Американката Мери Андерсон на 10-ти ноември го регистрираше патентот за „уред за чистење прозорци“ под број 743.801А.

Едноставна конструкција

Првиот бришач во светот има дрвени рачки и гумени бришачи поставени на нив. Рачките кружат околу една точка на прицврстување. Веќе бил решен и погонот: Покрај возачот се наоѓа рачка. Кога возачот ќе ја повлече рачката, се затегнува пружина, којашто по отпуштањето предизвикува брипачот да лизга по ветробранот.

Од каде дошла инспирацијата?

Андерсон се инспирирала за својата идеја за време на едно зимско возење во трамвај во Њујорк. Таа забележала дека снегот го попречувал видот на возачот. Во такви услови било вообичаено да се подигне дел од предното стакло, за возачот да гледа пред себе. Тоа правело да им биде студено на патниците. Дамата тогаш се сетила дека бришачот за стакло ќе го реши проблемот.

Пионерка

Американката го имала вистинското решение, но уште било прерано. Анредсон се обидела да го продаде својот изум, во име на комфорот и безбедноста, но ниту еден производител на автомобили не вградувал бришач фабрички. Дури по завршувањето на важноста на патентот почнува помасовно вградување на бришачот во 1920-те години.

Варијанти

New photo by Automedia MK / Google Photos

Со подобрувањето на видливоста се занимавале и други пронаоѓачи. Принцот Хајнрих од Прусија, пасиониран автомбилист и брат на германскиот крал Вилхелм Втори, во 1908 година го патентирал „Хенричи чистач за стакло“. Станува збор за обична лајсна што е обложена со платно. Таа се прицврстува горе на ветробранот и се движи рачно. Проблем е тоа што бришачот може да се вградува само на возила со отворена каросерија. Така, возачот и патниците можеле и да накиснат, но барем видливоста е чиста.

Усовршување

Во следните децении, бришачот се усовршувал постојано. Погонот го преземаат електромотори, а повисоките брзини на возење бараат подобра конструкција. Потоа настапуваат електроника и сензори, се спречува гумата да се залепи на ветробанот и се грее течноста за миење, којашто кај неколку модели веќе излегува од самиот бришач. Голем дел од иновациите потекнуват од Mercedes.

Револуционерни изуми

New photo by Automedia MK / Google Photos

Прочуениот инженер Бела Барени, главен за безбедноста во Mercedes, во 1951 контруира бришач што се вовлекува заради подобра заштита на пешаците. Еден единствен бришач првпат се вградува во студискиот автомобил C 111-II во 1970 година. Тој почнува да се вградува во серија во 1982 година, во „беби-бенцот, во генерацијата W 201. Конструкцијата е многу сложена, со кинематика што прави да се брише многу голема површина од ветробранот.

Бришачи и за светлата

New photo by Automedia MK / Google Photos

Бришачи постојат и за светлата. Таков уред поседува S-Class од генерацијата 116, исто како и родстерот и кабриолетот (SL/SLC) од генерацијата 107. Заедно со бришачите се вградува и прскалка за миење на стаклата на светлата.

>>> Летање дрон во музејот на Mercedes

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Ден пред премиера: Електричниот СУВ на Škoda во вторник

Ден пред премиера: Електричниот СУВ на Škoda во вторник

toyota mirai 10000 motomachi

Јапонските производители повторно во раст