за

Секое теренско возење во Mercedes почнува од GLA

Секое теренско возење во Mercedes почнува од GLA
Секое теренско возење во Mercedes почнува од GLA

Смена во теренското поглавје на Mercedes. При пристигањето на секој нов СУВ-модел во понудата, Mercedes долги години наназад се повикуваше на имиџот и способноста на G-Class, на легендарниот Geländewagen. Сега има мала измена во пристапот. Со пристигањето на GLA, на моделот што сега прикажува повеќе теренски гени од порано, Mercedes по ново објаснува дека GLA е моделот со кого што почнува неговата СУВ-понуда.

Мак Аутостар го објави почетокот на продажбата на GLA, на почетниот модел во СУВ-понудата на Mercedes. Оваа понуда денес брои дури осум моделски изведби. По ред: GLA, GLB, GLC, GLC Coupe, GLE, GLE Coupe, G-Class и GLS – не сметајќи ги AMG-изведбите, електричниот EQC и Maybach GLS.

Новиот GLA во споредба со својот претходник, нуди многу новини, како во однос на технологијата, така и во однос на димензиите. Висина на возилото сега изнесува 1611 mm, што значи дека е за повеќе од 10-тина см повисок од стариот модел. Со ова се добива поголем простор во кабината на возилото.

Предниот и задниот каросериски превис се покуси, што е од корист при возење по терен. Моделите со погон на 4 тркала поседуваат off-road инженерски пакет како стандардна опција. Пакетот опфаќа и дополнителен програм за возење, помошен систем за движење по надолнини, off-road анимација на дисплејот, а во комбинација со предни светла MULTIBEAM LED се добива и специјално осветлување при off-road возење.

Mercedes ја започнува камањата за новиот GLA
Mercedes ја започна кампањата за новиот GLA

Новиот GLA располага и со унапреден систем Driving Assistance, кој вклучува предупредување за возило одлево при скршнување на крстосница и алармирање при пешак на премин. Новиот GLA самостојно реагира кога возачот не е во можност да го стори тоа.

Новиот GLA има исклучителен коефициент на аеродинамичност, Cd 0,28. Подоцна ќе се нуди и моделска изведба со третата генерација на хибридниот погон, како и електричен модел EQA.

„Големата побарувачка за нашите SUV возила докажува дека ги нудиме вистинските модели во овој сегмент. За да излеземе во пресрет на желбите на купувачите, достапни се моделите GLB и GLA, две off-road возила кои совршено се надополнуваат меѓусебно. GLB се истакнува со својата функционалност и просторност, додека новиот GLA е позициониран како спортски и лајфстајл SUV“, изјави шефот на одделот за дизајн во Дајмлер, Горден Вагенер.

Внатрешноста е модерна, изработена од материјали со висок квалитет. Централно внимание заземаат екраните, кои се достапни во 3 варијанти, односно 2 екрана од 7 инча, или еден екран од 7, а другиот од 10,25 инчи и третата комбинација е кога секој од 2 екрана е со големина од 10,25 инчи.

Новиот GLA нуди повеќе простор во кабината во однос на својот претходник, особено во должината на просторот за нозе, како и во багажникот. Седењето на возачот и совозачот е повеќе исправено и за 97 mm е повисоко во споредба со претходниот модел, што е типично за SUV возилата. Споредено со А-Class, разликата е 140 mm, додека со B-Class е 52 mm. Исто така, значително е подобрена видливоста. Како опција, задната клупа може да се лизга надолжно за 14 cm, со што може да се добие или повеќе место за седење назад или да се зголеми багажниот простор.

mercedes amg gla 45
Mercedes-AMG GLA 45

Последната верзија на пакетот Driving Assistance опфаќа помошно осветлување во свиоци, следење на коловозната лента, предупредување ако наидува велосипедист кога се отвора врата, предупредување при пешак на пат и др. Опции за овој пакет се DISTRONIC со целосно запирање, автоматско паркирање, автоматско движење наназад, активна помош преклу системот управување, активно одржување на брзината на движење и слично.

Новиот GLA располага и со опцијата ENERGIZING, која користи звучни и светлосни ефекти, како и разни опции за масажа, за возачот да добие врвна удобност при патувањето. Доколку се користи паметен часовник Mercedes-Benz vivoactive или уред компатибилен на Garmin, може да се добијат и податоци за возачот, како што е нивото на квалитет на спиењето или на стрес, за состојбата понатаму да се подобри преку опцијата ENERGIZING.

Новиот GLA може да биде опремен и со постојан погон на сите тркала, со целосна варијабилна дистрибуција на вртежниот момент. Секој модел со 4MATIC стандардно доаѓа и со автоматски менувач со двојна спојка. На располагање е и функцијата DYNAMIC SELECT, кој нуди неколку режими на возење, од “Eco/Comfort” (сооднос 80:20%), “Sport” (70:30%) и „off-road“ со дистрибуција на вртежен момент во сооднос 50:50.

Цените за Mercedes GLA на македонскиот пазар

Моделска изведба

Зафатнина (ccm)

Моќност (КС)

Цена (евра)

GLA 180

1332

136

36990

GLA 200

1332

163

38890

GLA 250

1991

224

45000

GLA 250 4M

1991

224

47990

GLA 35 AMG 4M+

1991

306

59990

GLA 45 AMG 4M+

1991

387

69990

GLA 45s AMG 4M+

1991

421

76990

GLA 200 d

1950

150

40000

GLA 200 d 4M

1950

150

42980

GLA 220 d

1950

190

43990

GLA 220 d 4M

1950

190

46990

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Позери оштетиле Ferrari за да објават на инстаграм – на личен профил

Позери оштетиле Ferrari за слика на инстаграм – на личен профил

mercedes actros

Германските општини добија 50 мио. € од патарина, ги вложуваат во патишта