Ford започна со производство на верзиите на Ford Transit со 10-степен автоматски менувач. Оваа опција е достапна во комбинација со 2,0-литарскиот дизел со 170 КС, во конфигурација со погон назад и висока носивост (вкупна тежина над 2.380 килограми).
Предностите на новиот менувач се штедливоста, комфорот во возење и издржувањето високо оптоварување. Покрај тоа, новиот автоматик дозволува тежина на приколка до 2,8 тони. Десетстепениот менувач веќе се вградува во пикапите Ranger и F150, како и во Mustang. За полесните верзии на Transit и натаму е достапен 6-степен автоматик.
Уште една способност на 10-степениот автоматски менувач е „учењето“, односно тој се приспособува на моментната ситуација во возењето и го избира соодветниот степен на пренос. Менувачот се координира и со системот старт-стоп, така што се постигнува заштеда и на тој начин. Секако дека за превоз на чувствителен товар е важно тоа што менувачот дозволува меко и рамномерно поаѓање.
Ford разви дваесетина нови технологии што се користат во менувачот. Една од нив е Cidas, Casting-Integrated Direct Action Solenoid. Овој систем овозможува попрецизно дозирање на притисокот во спојката, го скусува времето на промена на степен и постигнуав меко префрлување.
Ford Transit вози на масло од фритеза
