Американскиот производител на електрични автомобили Tesla напредува одлично со изградбата на новата фабрика во Тексас. Според скриншотовите што се направени за време на презентацијата на Tesla за градот Остин, фабриката би можело да започне со производство веќе во мај 2021 година. Тогаш би стартувало пробното производство на електричниот пикап Cybertruck.
Скриншотовите од презентацијата се појавија не повеќе блогови што се посветени на култната американска марка електромобили. На нив, меѓу другото се гледа и грубо прикажан временски распоред за градежниот проект. Според сликите, „First Dry In“ се предвидува за крајот на декември, додека „First Substantial Completion“ би следел во мај 2021 година.
Под „ First Dry In“ се подразбира фаза од изградбата во којашто фабриката е заштитена од дожд и ветер, односно готова е „карабината“. Во таа фаза може да се започне со поставување на производствените постројки. Во случај на „First Substantial Completion“, станува збор за фаза во којашто објектот веќе може да почне да се користи за предвидената намена.
Електричниот пикап е важен модел за Tesla
Во случај да подрани почетокот на пробното производство, тоа ќе значи дека Tesla има одлични шанси да го исполни планираниот почеток на испораките на Cybertruck кон крајот на 2021 година.
Футуристички дизајнираниот модел е од особено значење за производителот во САД, затоа што пикапите традиционално се продаваат одлично на тамошниот пазар. Само во првата недела по презентацијата на пикапот кон крајот на минатата година, пристигнале над 250.000 резервации за Cybertruck.
Заедно со познатите моделски серии Model 3 и Model Y, во Остин покрај Cybertruck ќе се произведува и електричниот влекач Tesla Semi.
