Renault и Nissan се спогодија околу дел од споровите. Французите во иднина ќе имаат посилен збор во Nissan и за возврат ќе се согласат Јапонците да ја реализираат планираната реформа во својата компанија. Спојувањето на двете компании и натаму е отворено прашање.
Во автомобилскиот сојуз меѓу Renault и Nissan постоеја несогласувања уште пред приведувањето на поранешниот шеф Карлос Гон. Во меѓувреме, повторно се приближуваат позициите. Двата големи производители на автомобили се спогодија, шефот на управниот одбор на Renault, Жан-Доминик Сенард, во иднина да биде застапен во комисијата за номинирање на Јапонците. Дополнително, шефот на Renault, Тиери Болоре, ќе добие фотелја во надзорниот комитет во Nissan. За возврат, Renault ќе се согласи јапонскиот партнер да ја реализира планираната реформа во своите редови.
Renault се избори за предност во ова спротивставување на моќите меѓу двајцата сојузнници. Французите поседуваат удел од 43 проценти и имаат соодветно големо влијание во Nissan. Карлос Гон пред повеќе години го спаси Nissan од банкрот, како тогашен шеф на Renault. Денес се сменети улогите и Nissan е поуспешен од Renault, што им дава поголема самоувереност на Јапонците. Тие стравуваат дека во случај на спојување со Renault ќе им се зацементираат сегашните позиции, а тоа не му одговара на јапонскиот партнер. Преговорите за спојување меѓу Renault и Fiat Chrysler, без Nissan, предизвика дополнителна неизвесност.
When all else fails, who you gonna call? Carlos Ghosn's wife urges Trump to support her husband #Ghosn #Nissan #renault @realDonaldTrump #autoalliance https://t.co/HqHlENGz9A
— Jamie Lincoln Kitman (@jamiekitman) June 17, 2019
Renault Zoe, електричен, од трета генерација
Renault во посилен сојуз со Nissan и Mitsubishi по откажувањето на Fiat
Новиот Renault Clio стартува од 14.100 евра на францускиот пазар
