Првпат по повеќе од 20 години, во Кина лани се продале помалку возила отколку во претходната година. Аналитичарите предвидуваат дека смалувањето на најголемиот автомобилски пазар во светот ќе продолжи и во 2019 година
Кинескиот автомобилски пазар лани забележал намалена продажба за првпат по повеќе од дваесет години. Една од причините за тоа е царинскиот спор меѓу САД и Кина. Продажбата на патнички автомобили во земјата во минатата година се смалила за 6 проценти, на 22,7 милиони автомобили, во споредба со 2017 година.
Трговскиот спор што го предизвика американскиот претседател Трамп меѓу САД и Кина, влијаеше врз купувачкиот дух на кинеските возачи, кои се чувствуваат несигурни и го одложуваат купувањето автомобил. Во последниот месец од минатата година, продажбата паднала за дури 19 проценти во споредба со прекланскиот декември.
Владата може да воведе даночни олеснувања и да го спречи намалувањето на пазарот на автомобили
Аналитичарите на американската инвестициска банка Голдман Сакс предвидуваат дека и годинава ќе продолжи негативниот тренд на кинескиот пазар, со минус од 7 проценти. Наспроти тоа, здружението на производители на автомобили во земјата очекува пораст од околу еден процент во продажбата на автомобили. Тоа може да се постигне, доколку кинеската влада, како и повеќепати досега, интервенира со даночни олеснувања и на тој начин ја поттикне продажбата.
Купе-изведба Skoda Kodiaq GT ексклузивно за Кина
Geely ги лови продажбите на Volkswagen и GM во Кина
Како еден странец стекнуваше возачка дозвола во Кина
Кинескиот Nio има уште еден модел: Празната батерија се заменува со полна
