за

Научници произведуваат горива од отпадни води

плазмализа горива од отпадни води

Науката уште одамна има пронајдено замена за фосилните горива, но тие се основа на светската политика и не заминуваат толку лесно. Овој подвиг на науката е фрапантен: Од отпадни води се произведува чист водород, а потоа и метан

Отпадни води може да се користат како ресурс за производство на еколошки погонски горива. Технолошка фирма од Берлин за првпат пред јавноста ја претставува постапката, којашто се нарекува плазмализа и во основа служи за добивање водород. Се користи отпадна вода од пречистителни станици и индустриски постројки, како и од постројки за биогас. Со примена на струја од обновливи извори, водата се раздвојува на кислород и водород – слично на електролиза. Водородот добиен на овој начин потоа се меша со биогас и се добива Е-гас, кој може да се користи како погонско гориво во возила што користат метан, односно како гориво во блок-термоцентрали и гасни централи.

graforce-banner-1

По позитивните резултати од тестирањето, берлинскиот водовод планира да постави пробна постројка и произведеното погонско гориво да го користи за сопствениот возен парк. Паралелно ќе се истражува дали Е-гасот може да се користи и како енергенс за сопствените блок-термоцентрални, во насока на смалување на штетните емисии.

И Audi има напредувано многу во производството на синтетски горива

За иновативната технолошка постапка е заинтересиран и Audi. Производителот на автомобили ќе испитува дали плазмализата може да се користи во сопствената тест станица за Е-гориво во Верлте. Целта е да се зголеми продукцијата на водород, и воопшто, ефикасноста на станицата во којашто Audi врши пробно производство на еколошки горива.

audi e-benzin sintetsko gorivo

Отпадните води при производството на Е-гас досега се користеа како земојделско ѓубриво. ЕУ одредува овие води во иднина да се пречистуваат или да се отстрануваат. Audi би можел да ја применува плазмализата и нечистата вода да ја претвора во водород.

Бидејќи при постапката се користи регенеративна струја, производството на водород е неутрално за климата, исто како и понатамишното користење на водородот како погонско гориво. Е-гас ја смалува емисијата на СО2, СО и НС за 30 до 60 проценти. Емисијата на азотни оксиди исто така се смалува до 60 проценти. При постапката не се создава ниту штетен отпад, туку само пречистена вода и кислород.
Секако дека најважни се цените. Во споредба со производството на водород според вообичаената постапка, со коешто се постигнува цена меѓу шест и осум евра за килограм водород, плазмализата ја намалува цената на само три евра.

Renault создава острови што се независни од фосилни горива

Вака ќе ја пресметате вистинската потрошувачка на гориво

Макпетрол од денес точи нова генерација дизел горива

ЈСП тестира погон на метан како гориво за почисто Скопје

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

opel sediste riselshajm

Opel ја префрлува вината за дизел-аферата кај General Motors

Nissan Qashqai 133 benzin

Nissan Qashqai со бензински мотор од Mercedes A-Class