за

Mercedes S-Class од декември во салон, старт од 93.500 евра

Генерациска смена кај најпродаваната луксузна лимузина во светот. Новиот Mercedes S-Class во германскиот ценовник стартува од 93.438 евра. Испораките ќе започнат во декември.

mercedes s class цени

За новата генерација на S-Class, Штутгарт најавува дека е автомобил што се доживува со речиси сите сетила – со поглед, со допир, со слух и со мирис. Обемот на новини е толку голем што ќе се дознаваат и во следните неколку месеци.

Mercedes ги објави германските цени за новиот S-Class. Понудата во почетокот ја сочинуваат пет моделски изведби: Бензински S 450 и S 500 доаѓаат со 3,0-литарски шестцилиндарец во линија, со 367 и 435 КС. Во двата случаи станува збор за благ хибриден погон, со електромотор со моќност од 22 КС.

Понудата од дизели почнува со S 350 d, кој исто така има линиска конфигурација и 3,0-литри, со моќност од 286 КС. Посилната изведба на овој мотор се вградува во S 400 d со 330 КС. Во сите моделски изведби е стандард 9-степен автоматски менувач. Погонот на сите тркала 4Matic исто така следи стандардно, со исклучок на S 350 d.

Како ориентација за перформансите, основниот дизел S 350 d спринтува до темпо сто за 6,4 секунди, крајната брзина е ограничена на 250, додека потрошувачката во просек се движи меѓу 6,5 и 7,9 литри, зависно од динамиката на возење, според новата и реална норма WLTP. Бензинскиот S 450 4Matic во просек троши меѓу 7,8 и 9,4 литри.

Цени на моделските изведби на Mercedes S-Class

(за германскиот пазар)

S 450 4Matic · 106.650,40 евра, само во продолжена изведба L

S 500 4Matic · 115.130 евра

S 350 d · 93.438 евра

S 350 d 4Matic · 97.150 евра

S 400 d 4Matic · 103.994 евра

Некои од најважните ставки од дополнителната опрема:

Новиот 3D возачки дисплеј (1.148,40 евра) овозможува просторна слика со вистински впечаток за просторна длабочина, благодарение на Eye-Tracking.

Голем проекциски дисплеј со приказ на унапредена реалност (3.468,40 евра, заедно со 3D возачки дисплеј).

MBUX асистент за ентериер (626,40 евра) со помош на камери во таванот и самоучечки алгоритми препознава која функција сака возачот да ја вклучи во моментот.

Активно амбиентално осветлување (916,40 евра) со околу 250 LED е поврзано со системите за асистенција и оптички ги пренесува нивните предупредувања. Истото важи и при ракување со климата или со системот за говорни команди „Hey Mercedes“.

Задни воздушни перници (580 евра) значително ги смалуваат оптоварувањата на главата и вратот на патниците на задната клупа при тежок челен судир.

Со управувана задна оска (1.508 евра) S-Class во град се вози како компактен автомобил.

Револуционерната технологија на светла DIGITAL LIGHT (2.192,40 евра) овозможува сосем нови функции, на пример проектирање на помошни знаци или предупредувања врз коловозот.

>>> Mercedes S-Class: Најважните 10 новини кај ѕвездоносецот

Mercedes S-Class Најважните бројки и факти

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Стартува KiaMobility во Русија и Италија, наем на возило од час до година

Стартува KiaMobility во Русија и Италија, наем на возило од час до година

Mini Paddy Hopkirk Edition

Специјална серија на Mini за победата на Монте Карло во 1964