за

Специјална серија на Mini за победата на Монте Карло во 1964

Специјална серија во чест на Патрик Хопкирк го одбележува првиот триумф на Mini на релито Монте Карло во 1964 година. Серијата ќе се изработи во ограничен број примероци и ќе биде достапна само на неколку пазари.

Mini Paddy Hopkirk Edition

Од големиот триумф на малечкиот автомобил со стартен број 37 на релито Монте Карло минаа 56 години, но сцената уште се сеќава свежо на успехот на Mini Cooper S. Во 1964 година, Mini ја постигна првата од трите победи на рели-легендата. Зад воланот беше тогаш 30-годишниот возач од Северна Ирска со име Патрик Хопкирк.

Во чест на големата победа, британската марка изработи специјална серија со посебни детали и опрема. Главниот момент секако е стартниот број 37 на возилото, со којшто Хопкирк возеше на Монте Карло во 1964 година.

Специјалната изведба Paddy Hopkirk Edition ќе стартува со продажба во октомври. Како основа служат Mini Cooper S и Mini John Cooper Works. Каросеријата е во чили-црвена боја, со бел покрив, со инспирација од историскиот модел.

Неочекуваната победа на Монте Карло буквално преку ноќ го претвори Хопкирк во најпознат рели возач. Mini се докажуваше и во следните години, со доминацијата на рели-класикот. Тимо Макинен и Рауно Алтонен победија во 1965 и 1967 година. Овој победнички дух ги инспирира фановите на марката до денес.

New photo by Automedia MK / Google Photos

Зависно од пазарот, тркалата се од 17 инчи со дизајн Track Spoke Black или од 18 инчи со дизајн Cross Spoke Jet Black, со мат финиш. Во двата случаи станува збор за бандажи што потекнуваат од специјалната понуда на John Cooper Works – нешто слично како M GmbH на матичната марка BMW. Рамката и хоризонталната пречка се лакирани во сјајна црна боја. Истиот финиш важи и за додатоците во долните отвори за воздух, во отворот во хаубата, во рачките, чепот на резервоарот, рачката на багажникот, логоата на Mini напред и назад, како и за основата на предните и задните светла.

Стартниот број 37 се појавува и во модулот на страничните трепкачи, кој е познат како Side Scuttle. Предните светла се диодни, задните светла се во дизајн на британското знаме. На повеќе места по целото возило се поставени стикери со натпис „Paddy Hopkirk Monte Carlo“.

New photo by Automedia MK / Google Photos

На возачката страна има единечна бела лента. Со користење на графика со 3D ефект, на оваа лента се забележува регистрацијата 33 EJB од Mini на релито во 1964 година. Други посебни детали се плочките на праговите со натпис „Paddy Hopkirk“.

Во опремата се вклучени MINI Excitement Package и Comfort Access. На некои пазари ќе се вградуваат и допилнителни светла, а Mini ќе се испорачува со клуч со стартниот број 37.

>>> Електрично Mini пишува автомобилска историја во Македонија (1. дел)

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

mercedes s class цени

Mercedes S-Class од декември во салон, старт од 93.500 евра

За четири дена изречени казни за 1.380 возачи во Скопје

За четири дена изречени казни за 1.380 возачи во Скопје