164
32 shares, 164 points

Harley-Davidson на салонот во Женева премиерно го прикажува актуелното моделско годиште на Livewire пред европската публика. Покрај мотоциклот што означува радикална пресвртница за марката, прикажани се три концепти со погон на струја. Американската мото-легенда најави дека ќе започне со нарачки за Livewire во април. Испораките во повеќето европски држави и во Канада ќе следат наесен. Американските купувачи веќе оставаат капар за Livewire.

Harley-Davidson ги објави техничките податоци за електричниот мотоцикл. Спринтот до темпо сто ќе трае само три секунди, додека крајната брзина изнесува 177 km/h. Досегот со полна батерија изнесува до 225 километри. При користење брз полнач, батеријата се полни целосно за еден час.

New photo by Automedia MK / Google Photos

Livewire е опремен со системот Electronic Chassis Control (ECC), кој ги користи сензорите на АВЅ, контролата на тракција и контролата за брз старт, со цел силата на сопирање на предното и задното тркало да се приспособи според испораката на вртежен момент до задното тркало. Назад работи моно-амортизер Showa BFRC (Balance Free Rear Cushion Light), со комплетни можности за дотерување. Предното тркало го води вилушка Showa SFF-BP (Separate Function Fork – Big Piston).

New photo by Automedia MK / Google Photos

На некои пазари, Livewire е опремен со H-D Connect, кој преку стандард LTE овозможува поврзување со мобилна апликација на Harley-Davidson. Цената за австрискиот пазар, како најблизок од пазарите на коишто е достапен електричниот Harley, изнесува 33.390 евра.

Покрај Livewire се изложени два лесни концептни мотоцикли, кои имаа светска премиера на саемот ЦЕЗ во Лас Вегас. Третиот експонат е детски електричен велосипед, изработен од компанијата Stacyc, којашто неодамна беше преземена од Harley-Davidson.

Harley-Davidson има електричен мотоцикл

Трамп бесен на Harley за одлуката да произведува надвор од САД

Harley-Davidson сели производство поради европските царини

Harley-Davidson бара практиканти за да им подари мотоцикл

 


Ти се допаѓа? Сподели со пријателите!

164
32 shares, 164 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *