за

Рекорд на Ford: Најмногу „мустанзи“ на авто-кино

Рекорд на Ford Mustang Најмногу „мустанзи“ на авто-кино.jpg
Рекорд на Ford Mustang Најмногу „мустанзи“ на авто-кино.jpg

Дилерот на Ford во германскиот град Бад Хомбург организираше најголем собир со Ford Mustang на авто-кино. Со точно 90 сопственички и сопственици на Ford Mustang е поставен нов германски рекорд во оваа необична „дисциплина“.

Во овие вонредни времиња, кога светот внимава на безбедно растојание и ограничено групирање, еден германски трговец се сети исто така да организира нешто вонредно. Кнут Крајсл, директор на Ford Store во Бад Хомбург, изнајми слободен плац во близина, со намера да го претвори во авто-кино. Идејата на овој необичен настан во носталгична средина, беше да се одбележи повторното отворање на салонот и сервисот, откако германските власти претходно одредија сите објекти од сличен вид да се затворат поради пандемијата.

Посебната вечер на кино се одржа на 6-ти јуни, кога сопственици на Ford Mustang беа поканети на „бела ноќ“ под отворено небо, да гледаат филмски класици, како Џон Вик 2 или Булит. Во двата филма се појавува Ford Mustang, со особено впечатлива појава во Булит, каде Стив Меквин и Ford Mustang GT 500 учествуваат во една од најпознатите автомобилски бркотници на филм.

На долгата ноќ во чест на Mustang беа поканети и сите вработени во браншите што се најпогодени во корона-кризата, односно медицински персонал, негуватели, продавачи во супермаркет, возачи на автобуси и работници во комунални служби. Покрај тоа што посетата на авто-киното беше бесплатна, имаше организирано и кетеринг, додека аудио снимката од филмот се слушаше на посебно поставена фреквенција на радијата во автомобилите.

Салонот во Бад Хомбург е партнер на Ford уште од 1957 година. Пред пет години беше извршено темелно обновување на објектот, заради исполнување на стандардите за преименување во Ford Store. Тоа е воедно и условот да добивање право за продажба на Ford Mustang, на посебните моделски линии Ford Vignale и на Ford Edge.

New photo by Automedia MK / Google Photos

>>> Ford Focus и Fiesta наскоро со благиот хибриден погон од Puma

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

suzuki jimny svetski avtomobil 2019

Читатели на Ауто Билд избираа теренци на годината

Mercedes GLA AMG

Mercedes-AMG стартува со нарачки за GLA со 421 КС