BMW развива автомобили што возат сами. Баварскиот производител во 2021 година ќе стартува со масовно тестирање на роботско такси. За таа цел е поставена посебна компјутерска платформа со гигантски обем: 100.000 процесорски јадра и 200 графички процесори работат во посебен центарот во близина на Минхен.
Во голема новоградба на периферијата на Минхен се работи на иднината на автомобилите на BMW. Местото се вика Унтершлајсхајм и се наоѓа северно од познатите „четири цилиндри“ на марката. Центарот е наменет за автономно возење и започна со работа лани.
Во центарот работат ИТ-специјалисти, програмери, специјалисти за Deep Learning и други дисциплини од светот на вештачката интелигенција. Целта е во 2021 година да стартува со продажба првиот сериски автомобил со сопствена технологија за автономно возење на BMW. Станува збор за кросоверот iNext, кој ќе поседува автопилот од 3-то ниво и на автопат ќе може да вози самостојно со брзина до 130 km/h.
За нешто повеќе од две години во Минхен и околината ќе почнат да возат роботски автомобили на BMW
Развојот на технологијата нема да заврши тука. Во план е кон крајот на 2021 година да започне тестирање на возен парк од автомобили со автопилот од 4-то ниво, во услови на градски сообраќај. Тоа значи дека роботски автомобил на BMW ќе возат во германските градови со цел да се тестира техниката.
Бидејќи работата на оваа технологија бара неверојатно моќна информатичка техника, Баварците основаа сопствен компјутерски центар, односно дигитална платформа за обработка на изобилството податоци. Платформата се води како D3 и претставува кратенка од Data-Driven Development. Тоа е неопходна технологија за безбедноста и сигурноста на автопилотот од 3-то ниво, што ќе се вградува во BMW iNext, на крајот на 2021 година.
Само за сместување на компјутерската техника и на тимот што работи на автономното возење беше потребно да се изгради комплетно нов центар во близина на Минхен
Техничарите во Унтершлајсхајм ќе користат податоци од реално возење, обезбедени од вкупно пет милиони километри пат. Овие податоци од реално возење понатаму ќе се комбинираат со податоци од 240 милиони километри виртуелно, симулирано возење, со цел да се обезбеди беспрекорна работа на идниот автопилот.
Процесот на работа со толкав обем од податоци бара и соодветни „компјутери“. Платформата D3 располага со 230 петабајти капацитет за запишување податоци, со повеќе од 100.000 процесорски јадра и преку 200 графички процесори.
Моментно околу 80 возила од серијата 7 ги „пишуваат“ податоците, додека тестираат по западниот брег на САД, во Германија, Израел и Кина. До крајот на годинава, возниот парк ќе порасне на 140 автомобили.
За овие идни модели на BMW уште е добар зимскиот студ
BMW X1 само за Кина со нов хибриден погон и продолжена каросерија
По купе-лимузината Mercedes CLA доаѓа и BMW 2 Gran Coupe
Продажбата на BMW во минус, сите надежи во новата „тројка“