Дарко Јаконов
Производителот на i3 и производителот на I-Pace ќе соработуваат во развојот и усовршувањето на електричниот погон. BMW и Jaguar Land Rover како основа ќе го користат електропогонот од петтата генерација, со кого што в година ќе стартува изведбата на BMW X3 со погон на батерија.
BMW и Jaguar Land Rover стапуваат во соработка, со цел за заедничко користење на искуствата и ресурсите на подрачјето на автопилотираното возење, конективноста, електричниот погон и новите услуги за мобилност.
Основата на германско-британската соработка сепак се сведува на развој и усовршување на следната генерација на електричен погон. Групацијата BMW (вклучувајќи ги Mini и Rolls-Royce) располага со солидни искуства во развојот и производството на електрични возила. BMW i3 е на пазарот веќе од 2013 година. Наспроти тоа, Јaguar Land Rover располага со сопствена компетентност, за што сведочат повеќекратно наградуваниот Jaguar I-Pace и неколкуте плагин-хибридни модели во понудата.
Предноста на технологијата на BMW е во тоа што електромоторот, преносот и „погонската“ електроника се во едно куќиште. Покрај тоа, за електромоторот не се користат ретки метали. В година, Баварците почнуваат со вградување на петтата генерација на електричен погон, наречена едноставно Gen 5. Таа ќе има премиера во BMW iX3.
Во Gen 5 ќе се воведат неколку усовршувања преземени од техниката на Jaguar Land Rover. Соработката меѓу другото овозможува и скалест ефект во набавката на компоненти и репроматеријали, односно примена на основното трговско правило: При набавка на поголеми количини, цените паѓаат.
Заеднички тим од експерти ќе работи на Gen 5 во Минхен. Производството и натаму ќе се одвива засебно, на постоечките локации. Соработката меѓу двата независни концерни нема да влијае врз идентитетот на одделните марки.
Нова серија 1 на BMW: Со сета сила напред
Од BMW Garmish нема трага половина век, BMW го изработи од ново
Тест: Jaguar E-Pace D180 AWD Base
Jaguar I-Pace е автомобил на 2019 година
