за

Шефот потврди: Seat ќе прави теренец

Во интервју за англискиот магазин Auto Express, шефот на Seat потврди дека компактниот теренец на база на Leon наскоро ќе се појави на пазарот.

Според шефот Јирген Штакман, прв човек на шпанската марка во концернот Volkswagen, спортскиот теренец е еден од главните приоритети на Seat. Пазарот на овие возила бележи пораст во континуитет и Seat не смее повеќе да го одолговлекува влезот во овој профитабилен сегмент.

Изгледот на спортскиот теренец на Seat ќе ги следи основните контури на концептниот автомобил Seat IBX, што Шпанците го прикажаа на салонот во Женева во 2011 година. Моделот ќе ја користи платформата на актуелниот Leon, која впрочем е идентична со Golf и со сите сегашни и идни модели од компактниот сегмент, а со димензиите на каросеријата ќе биде сличен на Volkswagen Tiguan. Може да се очекува моделот да влезе во сериско производство веќе в година.

Шпанската марка се подготвува уште еден модел на теренец, чија што премиера ќе следува во 2016 година. Овој модел ќе биде повеќе спортски ориентиран, во согласност со имиџот на Seat, а веројатно ќе поседува и каросерија со примеси на купе, како следен дизајнерски тренд во сегментот на теренците.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Естонија е Елдорадо на електричните автомобили

Toyota останува најголем авто-производител во светот