за ,

Вечер на Volkswagen на салонот во Париз: Премиера на Skoda Fabia

Силни емоции владеат кај Skoda во предвечерието на салонот во Париз. На вечерта на концернот Volkswagen, меѓу другите премиери е новата генерација на Skoda Fabia.

Третата генерација на Skoda Fabia денес и официјално доживеа премиера пред медиумите, личностите од јавниот живот и шефовите на автомобилските концерни. По традиција, концернот Volkswagen одржува посебна вечер со премиери на неговите марки непосредно пред официјалното отворање на најголемите салони на автомобили во светот. Вечерва, ден пред да биде отворен парискиот салон на автомобили за оваа година, Volkswagen ја претстави младешката и динамична Fabia со избалансирани пропорции, форми како на кристал и остри линии. Новата Fabia е воедно и прв модел на Skoda за когошто ќе бидат достапни MirrorLink и SmartGate, за поврзување со паметен телефон. Шефот на марката, Винфрид Валанд, за првото јавно појавување на Fabia изјави: „Skoda го изгради своето име со висока функционалност и многу простор. Сега е време за функционалноста на нашите автомобили да се спои со впечатлив и емотивен дизајн. Со третата генерација на Fabia повторно поставуваме репер во класата на малечките возила. Досега 3,5 милиони купувачи се решија за овој модел. Сакаме да ја продолжиме оваа успешна традиција.“ Утре изутрина ќе следува официјалната светска премиера и на комби изведбата на новата Fabia.

skoda fabia premiera pariz 23908761

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Конечно изглед каков што доликува за бикот: Ова е Lamborghini Asterion

Seat го претстави новиот Leon X-Perience на салонот во Париз