Нафтената компанија Shell ги постави своите први брзи полначи за струја во германскиот пристанишен град Хамбург. За само неколку минути, електричните автомобили акумулираат енергија за 100 километри пат.
Откако локалниот дистрибутер на електрична енергија EnBW постави голем дел од планираните брзи полначи за електрични автомобили во германскиот град Хамбург, сега се надоврзува и нафтениот гигант Shell. На својата станица за гориво што се наоѓа на прометната улица Шифбекер Вег во овој пристанишен град, Shell ги постави и своите први полначи за струја. До крајот на годината ќе се постават уште полначи, сите напојувани со струја од обновливи извори.
Полначите што потекнуваат од сопствената мрежа на Shell располагаат со моќност од најмалку 150 киловати. Тоа овозможува возачите на електрични автомобили што поседуваат можност за користење на брзите полначи, за само неколку минути да ја обноват „резервата“ за следните сто километри пат.
Кај полначите на коишто пишува Shell Recharge станува збор за модуларни полначи со еднонасочен напон, кои можат да ги користат возила со техника та 400VDC и 800VDC. Полначите располагаат со приклучоци CCS и CHAdeMO.
https://www.instagram.com/p/B4M93PiHxRo/
https://www.instagram.com/p/B6IS_HgHwZO/
>>> Електричното Mini со подобро меѓузабрзување од Cooper S
