Рускиот пазар за првпат забележа пораст по две години

Ниските цени на нафтата и санкциите од Западот по заземањето на Крим доведоа до тешка економска криза во Русија. Пазарот на автомобили е во постојан пад од 2013 година, девалвацијата на рубљата направи автомобилите да станат прескапи. За првпат по две години, пазарот на автомобили во ноември забележа пораст, минимален.

Во ноември на рускиот автомобилски пазар за првпат е забележан пораст во продажбата по две години, со вкупно 132.346 автомобили. Порастот од 0,6% е минимален, но им остава простор за надеж на производителите на автомобили, откако продажбата за последен пат беше во плус пред точно две години.

Од друга страна, од почетокот на годинава во Русија се продадоа близу 1,3 милион нови автомобили или за 12% помалку отколку во истиот период лани, што укажува дека пресвртот сепак нема да се случи толку брзо. Декемвриската продажба ќе докаже дали пазарот заздравува.

Продажбата на автомобили во Русија е во постојан пад од 2013 година, поради тешката економска криза, предизвикана меѓу другото од ниската цена на нафтата и особено од санкциите од Западот по заземањето на Крим. Куповната моќ е намалена драстично поради високата инфлација и девалвацијата на рубљата во однос на еврото, што предизвика големо поскапување на автомобилите.

Лани продажбата опадна за 36% во споредба со предминатата година, што беше најголем пад од почетокот на кризата.

Десетте најпродавани модели во Русија до ноември

Девет од десетте најпродавани модели на рускиот пазар на автомобили се произведуваат локално, но од август и Toyota RAV4 стартуваше со производство во Ст. Петерсбург, така што целата „топ 10“ продукција веќе може да се води како домашна.