Се погоди симболиката на осмата генерација на Volkswagen Golf, со осмиот ден во месецот што многумина посакуваат да трае многу подолго. Осум поколенија на кралот на компактите, за 8-ми Септември. Уште од првата генерација на компактот, Volkswagen редовно ја послужува и спортската изведба GTI. Многу традиција, принципи и истрајност се вградени во овој автомобил. Ова ќе звучи како реклама, но во празнични денови доликува да се зборува еуфорично: Golf е како држава, Golf GTI е како држава што напредува брзо и вешто.
За овој автомобил е пишувано многу, се знае многу и секогаш има уште многу интересни нешта да се дознаат. Некогаш е доволно да се смени формата на изразување, за познатите работи околу Volkswagen Golf GTI повторно да станат интересни за сите. Во овој кус преглед, поттикнат од бројчената врска меѓу осмата генерација на Golf и Денот на независноста, 8-ми Септември, ќе зборуваме во бројки. Поточно, во графикони што им даваат приказна на бројките што ги имаме во редакциските архиви.
Следат одговори на бројни прашања што ќе им бидат интересни на фановите на Volkswagen и на Golf, но и општо на сите фанови на автомобилите. Ова навраќање на историјата на бескласниот автомобил од Волфсбург е воедно и историја на развојот и напредувањето на целата автомобилска бранша во петте децении наназад.
Колку коњски сили имаше Golf GTI во втората генерација, колку „седумката“ беше полесна од „шестката“, кога најмногу порасна каросеријата – сите одговори се наоѓаат во следните графикони. Нормално, осум графикони, за осум генерации на Volkswagen Golf GTI, за 8-ми Септември.
Честито да ни е празникот!
Volkswagen Golf I GTI (1976 година)
Volkswagen Golf II GTI (1984 година)
Volkswagen Golf III GTI (1991 година)
Volkswagen Golf IV GTI (1997 година)
Volkswagen Golf V GTI (2004 година)
Volkswagen Golf VI GTI (2009 година)
Volkswagen Golf VII GTI (2013 година)
Volkswagen Golf 8 GTI (2020 година)