за

Volvo продаде над 600.000 возила изрaботени врз платформата CMA

Половина од испораката отпаѓа на популарниот XC40, половина на модели од марката Lynk. Врв на платформата ќе бидат електричните XC40 Recharge и Polestar 2

Volvo продаде над 600.000 возила изрaботени врз платформата CMA
Volvo продаде над 600.000 возила изрaботени врз платформата CMA

До крајот на јули, групацијата Volvo продаде вкупно 600.000 возила што ја користат платформата CMA. Станува збор за Volvo XC40 и за сличните модели од марките Lynk и Polestar со таканаречена компактна модуларна архитектура, што беше воведена во 2017 година.

Volvo и кинескиот партнер Zhejiang Geely Holding (Geely), вложија многу во развојот на платформата CMA, но добрата продажба на моделите врз оваа платформа ја оправда сета инвестиција. Тоа е воедно и логиката на т.н. плаформска стратегија, односно на примената на голем број заеднички компоненти за повеќе модели.

Прв модел врз оваа платформа беше Volvo XC40, а по него следеа Lynk & Co 01, 02, 03 и 05. Истата платформа ја користи електричниот Polestar 2, чијашто испорака стартуваше месецов, а секако и електричната верзија на XC40 со додавка Recharge во ознаката.

Чисто електричниот Volvo XC40 Recharge ќе започне со испорака наесен

Volvo рано пред конкуренцијата започна со воведување електрични модели во својата понуда, вклучувајќи ги приклучните хибриди, со план секој модел да биде достапен со електричен погон – моментно за секој модел се нуди опција за приклучен хибрид. До 2025 година, Швеѓаните планираат половина од продажбата да им отпаѓа на чисто електрични автомобили, а половина на приклучни хибриди.

Volvo за десет години ја зголеми продажбата од 449.255 возила во 2011 година, на повеќе од 700.000 возила лани, додека прометот порасна од 126 на 274 милијарди шведски круни во 2019 година. Профитот во истиот период пораснал од 1,6 на дури 14,3 милијарди шведски круни (околу 1,4 милијарда евра).

Volvo во мај продал 44.830 автомобили, расте кинескиот пазар

Покрај двете фабрики за автомобили и една фабрика за мотори во Европа, Volvo денес располага со уште четири фабрики во Кина и со нова фабрика во САД. Шведската марка се залага и за нови услуги на мобилност и за нови начини на продажба, а се вложува и во автопилотираното возење.

Од вкупната продажба, на компактниот СУВ-модел XC40 отпаѓаат 302.856 примероци, додека на моделите 01, 02, 03 и 05 на марката Lynk & Co (заедничка инвестиција меѓу Volvo, Zhejiang Geely Holding и Geely Automobile) отпаѓаат 309.255 примероци. Возила врз платформата CMA произведува и Geely Automobile, кој до јуни испорачал 35.708 примероци од истите.

>>> Електричната марка на Volvo почна со испорака на Polestar 2

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Audi A6 стана втор најпродаван модел на Инголштат

Audi A6 стана втор најпродаван модел на Инголштат

Гана доби фабрика за автомобили на Volkswagen

Гана доби фабрика за автомобили на Volkswagen