за

Volvo ќе воведе нови безбедносни системи со идниот XC90

Швеѓаните го најавуваат новиот XC90 за крајот на 2014 година. Со новите системи за асистенција Volvo ќе ја зацврсти позицијата на предводник во безбедноста.

Еден од новите системи за асистенција што ќе доживее премиера во новиот теренец на Volvo е препознавањето пешаци при возење ноќе. Камерата на автоматскиот систем за сопирање при опасност ги препознава во темница и другите возила, пешаците, велосипедистите – но и животните на патот. При опасност од судир со дивеч на патот, како дење така и ноќе, системот автоматски го запира возилото и ја избегнува незгодата, односно ги намалува последиците. Овој систем ќе биде достапен веднаш по пазарниот старт на новиот Volvo XC90 кон крајот на следната година.

Новиот XC90 го следи работ на патот и ако возилото е во опасност да го премине работ и да излезе од патот, воланот автоматски го враќа возилото на патот
Новиот XC90 го следи работ на патот и ако возилото е во опасност да го премине работ и да излезе од патот, воланот автоматски го враќа возилото на патот

Друга иновација е системот за препознавање на крајната лента на коловозот со зафат во управувањето. Оваа функција регистрира кога возилото се насочува надвор од коловозот и го враќа возилото назад со самостојно завртување на воланот. Истиот систем веќе го поседува и Mercedes, но новитетот кај Volvo е во тоа што системот го препознава работ на патот без раководење според означената лента. Тоа овозможува функционалност на системот и на споредни и тесни патишта.

Системот за помош при застој на патот со зафат во управувањето го држи правецот на новиот XC90 и овозможува возилото да ја следи колоната со автоматско насочување според возилото напред. Со новиот модел ќе дебитира и самостојното паркирање. Откако возилото ќе препознае доволно простор за паркирање, понатаму постапката ја презема самото. Комбинацијата од систем за самостојно возење и автоматски систем за запирање при опасност овозможува безбедно движење меѓу пешаците и другите возила на паркиралиштето. Брзината и сопирањето се раководат според условите во средината.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Нико и Луис се тркаат и на тротинет

Дали ова ќе биде новата Opel Omega?