за

Електричен рекордер: Volkswagen ID.3 без пауза од Цвикау до Швајцарија

Првиот електричен модел на Volkswagen од новата генерација покажува супериорни перформанси. Со полна батерија, ID.3 извозе над 500 километри, со сосем пристојна просечна брзина и без исклучување на потрошувачите.

VOLKSWAGEN id.3 рекорд швајцарија

Моделот од чијшто пазарен старт се очекува да смени многу во електромобилноста, веќе докажува дека целосно е способен за тоа. Volkswagen ID.3 со полна батерија извозе 531 километри од Цвикау до Шафхаузен, во Швајцарија. Фабриката официјално тврди дека досегот со едно полнење изнесува 420 километри, според новата реална норма WLTP. Вистинскиот досег, не само што ја потврди оваа вредност, туку и ја надмина за повеќе од 100 километри. Конкретно, досегот што го ветува фабриката е надминат за 26 проценти, за повеќе од една четвртина.

Возилото е комплетно во сериска состојба. Станува збор за моделска верзија ID.3 1st Pro Performance со абтерија од 58 kWh. Во Цвикау е фабриката во којашто се произведува „електричниот голф“, а тоа е воедно и првата фабрика на водечки светски производител во којашто ќе се произведуваат само електрични автомобили.

Рутата до Швајцарија водеше по нормални патишта и по автопати, а истата вклучуваше и минување низ две градски подрачја, низ Улм и Бајројт. Возачот на рекордерскиот автомобил е Швајцарецецот Феликс Еголф, инаку светски признаен „хајпермајлер“.

Автомобилот како да е излеан од едно парче, компактен е, но пак е просторен, има кул, речиси футуристички дизајн и не му создава отпор на воздухот“, оцени Еголф по пристигањето во Шафхаузен. Возењето сепак беше во различни услови од секојдневието, но резултатите ја докажуваат неограничената применливост на електричниот ID.3.

New item by Automedia MK / Google Photos

Феликс Еголф се користеше и со „трикови“. Искусниот и докажан штедливец неколкупати практикуваше да вози во „сенка“ зад камиони. Во возилото патуваше и камерман со техничка опрема, што значи дека електричниот Volkswagen беше оптоварен со 250 килограми. Навигацијата, дневните светла, радиото и климата беа вклучени трајно. Потрошуваката на струја на рутата беше 10,9 kWh/100 km. Според фабриката, потрошувачката е 14,5 до 15,4 kWh/100 km.

Просечната брзина изнесуваше 56 километри на час. За целото растојание, на Еголф му беа потребни околу девет часа.

>>> Тест · Volkswagen Passat GTE: Примерниот играч што стана револуционер

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Audi R8 LMS победа Винкелхок волан

Audi A8 LMS победува на трки со „волан на жица“

Mercedes-со-лимузинска-услуга-во-три-кинески-мегалополиси

Mercedes со премиум шоферски превоз во три кинески мегалополиси