Дарко Јаконов
Volkswagen основаше нова посестринска компанија во Турција. Во новата фабрика во близина на Измир ќе се произведуваат модели од повеќе марки, вклучувајќи ги VW Passat и Skoda Superb.
Ближи почетокот на изградбата на новата фабрика на Volkswagen во Турција. Во провинцијата Маниса во западниот дел на земјата, Volkswagen основаше посестринска компанија. Фирмата ќе биде впишана во тамошниот трговски регистар, со почетен капитал од 164 милиони американски долари. Вработен во Регистарот потврди дека е примено барањето за внесување на новата компанија.
Од Volkswagen уште пред неколку недели потврдија дека се водат завршните преговори пред потпишувањето на договорот за изградба на фабриката во близина на Измир. Таму се планира производство на новиот Passat, кој моментно доаѓа од фабриката во Емден, како и на Skoda Superb, којашто има иста техничка основа. Уште не е утврден конечен датум за потпишување на договорот.
Шефот на производството на патнички автомобили на Volkswagen, Андреас Тостман, во минатиот четврток посочи дека остануваат најмногу две недели до формалното решение. Инвестицијата може да достигне милијарди долари. Претходно се спомнуваше можноста Бугарија да биде избрана како локација за новата фабрика.
Турската фабрика е неопходна, затоа што Volkswagen целосно ги ангажира капацитетите во германските фабрики во производството на електрични возила. Цвикау веќе е целосно трансформирана за електромобилноста, следни се погоните во Емден и Хановер. Поради тоа, на концернот му се неопходни нови капациети за Passat и за Superb.
Група европски парламентарци претходно побара од Комисијата на ЕУ да провери дали планираната изградба на нова фабрика за повеќе марки на концернот Volkswagen во Турција е во согласност со прописите на Унијата. Од Комисијата потврдија дека е добиено писмото од европските парламентарци и дека ќе следи одговор во наведениот рок.
🔴 Good bye #Bulgaria, good bye #Serbia. The battle is over! #Volkswagen has registered its manufacturing company in #Manisa, near #Izmir #Turkey. The company is founded to design, manufacture, assemble, sell, import/export cars, parts and components /Anadolu Agency/.
— Marcin Sułkowski (@Sullkowski) October 2, 2019
Good bye #Balkans! Welcome to Asia Minor! The state of #Qatar, which has a 17% in #Volkswagen, pushed for the new factory to be built in #Turkey #Izmir at the board meeting. In the selection process, Turkey was competing with #Serbia and #Bulgaria. #automotive pic.twitter.com/GeVPShyOXv
— Marcin Sułkowski (@Sullkowski) July 14, 2019
Volkswagen Türkiye 'ye şirketini kurdu. Fabrika Manisa 'da olacak.
İzmirli işsizlerin ve işini beğenmeyenlerin için iş fırsat..
Hayırlı olsun. #ÖncelikYayanın #izmir #çarşamba @izmirdecevirme @Hurriyet https://t.co/W8Jsi3LQ7K pic.twitter.com/FwsTrj7nx5— Şikayet Var! İZMİR 🇹🇷 😷#MaskeTak (@SVi35) October 2, 2019
