Актуелниот двосед со средишно вграден мотор V8 на Ferrari, 488 Pista, е „суперавтомобил на годината“ според Џереми Кларксон, во изборот на „News International“ за 2019 година.
Изборот на жирија составени од стотици експерти и гласачи од цел свет не е толку важен, колку што е важен изборот на еден човек. Но, тој не е кој било, туку е Џереми Кларксон, шоуменот на автомобилската сцена, кој може да им го врати автомобилот на производителите оти не му се допаѓа, за тие да му испратат друг, но и тоа залудно.
Џереми Кларксон го има единствениот глас да го избере најдобриот суперавтомобил на годината, лично и персонално. Изборот за годинава е: Ferrari 488 Pista.
„Толку е возбудлива што остава брилијанти во правта“ (So thrilling it leaves brilliant in the dust)
Џереми Кларксон, по возењето на Ferrari 488 Pista
Фронтменот на оригиналниот „Топ Гир“ и на денешниот „Гранд Тур“, продолжува… „Pista е еден од највозбудливите, најубави и најисполнувачки автомобили произведени досега. Таа прави сите останати автомобили да изгледаат како да се изработени од мов и кал. Таа е супериорна.“ Има и продолжение: „Pista не е само добра. Или брилијантна. Таа е далеку над тоа.“
Ferrari 488 Pista располага со 3,9-литарски твин-турбо V8 со 710 КС и беше номиниран за најдобар мотор во светот во изборот за 2019 година. Осумцилиндарецот од Маранело четврти пат ја освојува наградата. Техничарите се раководеле од тркачките болиди 488 Challenge и 488 GTE.
https://www.instagram.com/p/BzdEY0eB3LK/