Дарко Јаконов
Фанови на култното спортско купе на Toyota од повеќе држави пристигнаа во Келн, да го одбележат денот на Supra пред музејот на јапонската марка. Сите генерации на број, но и неколку изненадувања.
Тоа што прво беше најголема приватна колекција на Toyota во Европа, за потоа да се најде под надлежност на Toyota и да се преименува во денешното Toyota Collection, повторно го привлече вниманието на фановите на јапонската марка. Поточно, на еден модел што е меѓу нејзините најголеми гордости. Во музејот на Toyota во германскиот град Келн се одржа „Ден на Supra“.
Како што се очекува од секогаш организираните Германци, за собирот беа обезбедени примероци од сите пет генерации на спортската икона на Toyota од минатите четири децении. Од стартот на првата генерација во 1978 година, продукцијата во првите четири генерации достигна близу 600.000 примероци. Причина за историскиот собир секако беше новата генерација под фабричка ознака A90, од која што пет примероци се најдоа меѓу публкиката.
Присуство на повеќе национални клубови на љубители на Supra, врвни инженери и менаџери на Toyota, разговори со експерти…
Имаше простор и за изненадувања. Во историјата на спортските модели на Toyota постојат и такви што се покажале неодоливи и за автомобилски сладокусец од ковот на Џејмс Бонд. Toyota 2000 GT од 1967 година беше силен магнет за публиката. Дизајнерите од центарот на Toyota во Ница/Франција испратија модел во размер 1:2, со делови изработени со 3D-печатење.
Покрај 70-те историски модели од редовната музејска поставка, на настанот во Келн беа изложени и бројни тркачки болиди, констуирани и изработени во центарот за мотоспорт на Toyota во Марсдорф, место во близина на Келн.
Ваква беше атмосферата на „Денот на Supra“ во Toyota Collection
Следниот собир е најавен за 6-ти јули, кога се одржува денот на Toyota Celica. Во продолжение уште неколку моменти од собирот во чест на Supra.
Тест: Toyota Corolla 1.8 Hybrid Executive Plus
Водородни автомобили Toyota Mirai за Светскиот Олимписки Комитет
Топ 25 модели во април: Toyota Corolla со +25% во продажбата
Оваа лимузина е Toyota и за Lexus
