Дарко Јаконов
Јапонија се залага за масовно воведување на водородниот погон во возилата. Од Toyota Mirai досега се произведени повеќе од 10.000 примероци, за наследникот се ветува трипати поголема продукција. Останува само стратешка изградба на мрежа од станици за точење водород. Јапонскиот амбасадор во Германија го тестираше автомобилот од својата земја.
Кога треба да се патува подалеку со автомобил што користи погон само на струја, мора однапред да се испланираат попатни паузи, заради полнење на батеријата. Тоа не е потребно, кога место батерија, возилото користи резервоар со чист водород под притисок. Toyota веќе подолго време ја нуди лимузината Mirai со водороден погон и досега има испорачано повеќе од 10.000 примероци од моделот во светски рамки.
Суштинската предност на автомобилите со погон на водород во споредба со електричните, односно „батериските“ автомобили, е во тоа што досегот со едно полнење е споредлив со возилата со обичен погон. Но, истото важи и за времетраењето на полнењето. За резервоарот да се наполни со водород, доволни се три до пет минути.
Водородните автомобили осто така се електрични, но место батерија, имаат резервоар со вододор – кој се полни за три минути… под услов да постои станица за точење водород во близина
Водородот стапува во хемиска реакција, при којашто се создава електричен напон, односно струја. Таа понатаму се користи за напојување на електромоторот. Во Toyota Mirai работи електромотор со моќност од 113 киловати, односно 154 КС. Со полн резервоар со водород, лимузината од средната класа вози реално до 500 километри без потреба за дополнување „гориво“.
Јапонија повторно создава технолошка предност и стратешки вложува и планира во интерес на вородорниот погон. Според Toyota, водородот е носечки во актуелната енергетска пресвртница. Но, дали водородот е применлив и во другите држави? Одговор на тоа прашање бараше јапонскиот амбасадор во Германија, неговото височество Такеши Јаги. Амбасадата во Берлин во минатите две седмици тестираше Toyota Mirai во својот возен парк.
„Јапонија е на пат да прерасне во водородно општество. Многу ме радува тоа што можам да ја тестирам технологијата во Германија и да се уверам во нејзината применливост во секојдневието. Берлин со своите пет станици за точење водород е одлична база за примена на оваа технологија. Германија и Јапонија треба да продолжат да ја унапредуваат соработката на ова поле“, изјави јапонскиот амбасадор Такеши Јаги.
Toyota веќе го претстави прототипот на новата генерација на Toyota Mirai. Со унапредувањето на производството на модулите од горивни ќелии (таму се одвива хемиската реакција), Toyota планира новиот Mirai да го произведува во 30.000 примероци годишно.
Европските парламентарци две недели ќе тестираат водородна Toyota Mirai
