за

Toyota втора, Lexus прва најиздржлива марка според британски Which

Менаџментот на Toyota тешко ќе го поднесе овој пропуст, марката да не биде најдобра според оцените на публиката за издржливоста на автомобилите. Но, затоа е прв Lexus.

Toyota втора Lexus прва најиздржлива марка според британски Which

Toyota е најдобро пласирана „волуменска“ марка во истражувањето на британскиот потрошувачки магазин Which? за издржливоста на автомобилите на пазарот во островската држава. Во анкета меѓу 47.000 возачки и возачи, Toyota во генерален пласман е втора најиздрлжива автомобилска марка – пред неа е единствено сопствената премиум марка Lexus.

Овој апсолутен триумф станува уште поубедлив кога ќе се земат предвид дури 19-те наслови на „најдобар избор“ за моделите на Toyota, според оцените на влијателниот потрошувачки магазин што оценува објективно во корист на купувачите. Секако дека тоа е најголем број на „бест-бај“ меѓу сите марки во истражувањето.

Which? дава свое објаснување околу убедливата победа на јапонската групација: „Автомобилите на Toyota не се само чуда во издржливоста. Најновата генерација хибриди повторно ги помести границите на штедливоста.“ Магазинот воедно дава одлични оцени и за достапноста на моделите на Toyota, за доверливоста во нив и за едноставното возење.

Менаџерите не пропуштаат ваков одличен повод, да ја дополнат еуфоријата: „Луѓето што ги поседуваат и ги користат нашите автомобили се најдобри судии за квалитетот. Навистина е фантастично тоа што преку анкетата на Which?, тие искажаа толку позитивни оцени. Toyota долго време е докажана како светски пионер во хибридниот погон и продолжуваме да ги подобруваме неговите перформанси – најнов пример за повторното подигнување на ефикасноста е системот што е развиен за новиот Yaris.

>>> Топ 10 Најдостапни модели во градската класа

Toyota Yaris Facelift Skopje

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Секое седмо BMW или Mini во Европа вози на струја

Европскиот пазар во јули бил само 5% во минус

Августовската продажба на Volvo повисока за 7,2 проценти