за

Kia Soul со најдобра препорака за љубителите на кучиња

При изборот се внимавало товарниот раб на багажникот да биде низок, кабината да се одржува лесно, да има дополнително затемнети задни стакла. Американскиот Autotrader седма година по ред ги избира најдобрите автомобили од корист за нашите четириножни пријатели.

Kia Soul со најдобра препорака за љубителите на кучиња

Стилскиот кросовер Kia Soul е меѓу десетте најдобри автомобили за љубителите на кучиња. Така оцени американската онлајн-берза Autotrader, во одбележување на националниот ден на кучето. Во изборот на Топ 10 автомобили што им се препорачуваат на љубителите на кучиња решаваа комфорот, практичноста и безбедноста на возилото.

Првиот човек на Kia за северноамериканскиот пазар, Шон Јун: „Soul постигнува долготраен успех со својата практичност, што задоволува најразлични животни стилови. Признанието од Autotrader потврдува дека Soul е за секого, вклучувајќи ги сопствениците на кучиња.“

Изборот на најдобри автомобили за љубителите на кучиња се одржува седма година по ред и ги издвојува моделите што го нудат најдоброто од тоа што му е потребно на сопственик на пес. Уредникот на Autotrader, Брајан Муди: „Со цел да им помогнеме на купувачите на автомобил што патуваат со своите четириножни пријатели, внимателно составивеме список од најдобрите модели што нудат најобар комфор и безбедност, во исто време олеснувајќи им го животот на семејствата со пес“.

Кутиестата форма на каросеријата на Kia Soul крие изненадувачки просторна кабина, што по потреба може да се претвори и во товарен простор. Широкиот заден поклопец што почнува многу ниско го олеснува товарањето.

Топ 10 автомобили за љубители на кучиња

(редослед според абецеда)

  • Audi Q5
  • Chrysler Pacifica
  • Honda Fit (Jazz)
  • Hyundai Kona
  • Jeep Wrangler
  • Kia Soul
  • Subaru Outback
  • Tesla Model Y
  • Toyota Sienna
  • Volvo V60

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volkswagen Golf 8 eHybrid, GTE, eTSI

Volkswagen го нуди Golf во пет изведби со електромотор во погонот

BMW M4 за победникот на австриското МотоГП

BMW M4 за победникот на австриското МотоГП