за

Suzuki Swace е вториот модел од соработката со Toyota

Suzuki Swace е комби од компактната класа што очигледно се заснова врз изведбата Touring Sports на Toyota Corolla. Има неколку незначителни измени во изгледот, погонот е хибриден.

Suzuki Swace

Suzuki го претстави комплетно новиот модел во својата понуда Swace, најавувајќи го како практично комби со згодна појава, со меко и динамично возење и со хибриден погон. Станува збор за втор модел од соработката со Toyota што го добива знакот на Suzuki. Продажбата стартува во зимо, ги очекуваме цените и опремата за нашиот пазар.

Corolla Touring Sports по замисла на дизајнерите на Suzuki. Новото компактно комби во понудата на марката од Хамамацу секако дека ги наследува и сите квалитети на комбито на Toyota. Согласно новата возна динамика што ги одликува актуелните модели на Toyota, Suzuki Swace исто така ги нагласува своите динамични возни својства во изгледот и прикажува спортски стил во носот, со закосени диодни светла и широка маска со растер како саќе.

Во покривот се интегрирани кровни шини за багаж, алу-тркалата имаат пречник од 16 инчи, а задниот поклопец е изработен од лесна вештачка смола, заради заштеда во тежината. На располагање ќе бидат седум различни бои, вклучувајќи ги препознатливите бои на Corolla – оксид-бронза и фантом-кафена металик.

Во кокпитот нема разлики, со исклучок на средината на воланот, каде што нормално стои логото на Suzuki. Тоа е истиот прегледен и едноставен за користење кокпит, на којшто се навикнати возачите на компактната Toyota. Нема поедноставување или користење други материјали: Арматурната табла е обложена со мек полиуретан, има и убави хромирани акценти.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Истото важи и за средишниот дисплеј од 8 инчи, со блутут врска и команди на воланот. Има поддршка за Apple CarPlay или Android Auto и MirrorLink. Во повисоките нивоа на опрема ќе се вградува и безжичен полнач за телефон. Спецификацијата вклучува уште греење на воланот и на предните седишта, како и интелигентен клима уред што препознава дали се зафатени другите седишта и амбиентално осветчување во кабината.

New photo by Automedia MK / Google Photos

Просторната кабина останува, со 928 милиметри растојание меѓу предните и задните седишта – тоа е меѓу најдобрите вредности на стандардно мерење на просторноста во компакт класата. Багажникот стандардно нуди на располагање зафатнина од 596 литри. Подот може да се спушти и на тој начин да се создаде простор за повисоки предмети. Патосницата во багажникот има и гумирана страна, доколку се товарат влажни или валкани предмети или спортска опрема. Соборувањето на клупата е едноставно, со рачка директно од багажникот. Приклучок за 12 волти е уште една практичност во опашот на Swace.

Името Swace е кованица од SW за Station Wagon и Ace, што значи дека новиот Suzuki e ас меѓу компактните комби модели

Хибридната погонска спрега се состои од 1,8-литарски бензинец со 98 КС и електормотор со моќност од 53 kW (72 КС), плус безстепен менувач и батерија со капацитет од 3,6 кWh. Во возењедто може да се избира меѓу трите режими – нормален, еко или спортски – зависно од потребата или желбата.

New photo by Automedia MK / Google Photos

Suzuki и досега вградуваше изобилство од системи за асистенција во своите модели и не е големо изненадување тоа што Swace настапува со завидна опременост во ова подрачје во споредба со конкуренцијата. Покрај автоматското паркирање, што е новина во Suzuki, новото комби поседува и систем за самостојно запирање при опасност од судир, со распознавање пешак или велосипедист на патот, потоа систем за следење лента, камера за знаци, радарски темпомат и предупредување за возило од попречен правец при излегување наназад.

>>> Suzuki Across вози 75 km на струја и личи многу како Toyota RAV4

Suzuki Across
Suzuki Across

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Audi SQ7 TFSI, Audi SQ8 TFSI

Бензински V8 се враќа во спортските СУВ-знаменосци на Audi

Четири награди за Kia во изборот за Руски Автомобил на Годината

Четири награди за Kia во изборот за Руски Автомобил на Годината