По ланскиот победнички поход во класата, малечкиот СУВ-модел Suzuki Ignis Hybrid годинава освои награда за „Best Buy“ во изборот на британскиот магазин What Car за 2021 година. Откако мина темелни тестирања и оценувања од страна на уредничкиот тим на магазинот, Ignis беше прогласен за автомобил што нуди најдобра противвредност во класата на малечки СУВ-модел.
Како и во сите модели во понудата на јапонскиот производител, во Suzuki Ignis работи благ хибриден погон, со стартер-генератор и мала батерија под совозачкото седиште. Со 1,2-литарскиот 1.2 Dualjet хибриден погон и со погон напред, Ignis освои награда од магазинот и во рамките на изборот за најштедливи автомобили, што WhatCar го води под името „True Mpg“. Малечкиот СУВ е најштедливиот модел тестиран од тимот. Со тоа уште еднаш се покажа веродостојноста на прогласувањето на Suzuki Ignis за победник во „True Mpg“ во 2019 година и лани.
Читателите на What Car? Практикуваат да се консултираат со тимот на магазинот околу изборот на автомобил, и во случај кога се бара нешто мало, достапно и со ниски трошоци за одржување, што е воедно и лесно за возење, Ignis се наоѓа високо на листата на препораки од британскиот тим. Дополнително постои и можност да се избере варијанта со автоматски погон на сите тркала Allgrip
Уредникот на What Car, Стив Хантингфорд, коментира околу изборот: „Доколку сакате седење на повисоко во автомобил со мали димензии што е погоден за низ град, по достапна цена, речиси и нема подобар избор од Ignis. Автомобилот убедува и откако ќе се излезе од градот, бидејќи тој е наштедливиот автомобил што сме го тестирале на споредни патишта и автопати, постигнувајќи соодветно 3,77 L/100 km и 5,29 L/100 km на нашите реални True MPG тестови.“
Suzuki Ignis Hybrid на нашиот пазар стартува од 12.960 евра.
Кон страната за моделот -> http://mirkat.com.mk/cars/ignis-hybrid.html