Автомобилски суперѕвезди го одбележаа завршетокот на годинешнава сезона за аукциската куќа Силвестоун. Меѓу вредните автомобили се најдоа Rolls-Royce од 1984 година на Френк Синатра и Willys Jeep од 1945 година на Стив Меквин
Автомобили поседувани од најголемите светски ѕвезди добија нови сопственици за време на одржувањето на салонот на олдтајмери во англискиот Ланкастер во минатиов викенд. Меѓу историски важните олтајмери се најдоа Rolls-Royce Corniche Convertible од 1984 година во прва сопственост на Френк Синатра, Willys Keep MB од 1945 година на Стив Меквин и неколку автомобили од колекцијата на Џеј Кеј. За два дена се продадоа автомобили вредни вкупно 4,2 милиони фунти. Две третини од понудените 126 автомобили добија нов сопственик.
Синатра го добил Ролсот како подарок од неговите колеги од лас-вегасовскиот „Rat Pack“
Френк Синатра го добил Rolls-Royce Corniche Convertible од 1984 година како подарок од Семи Дејвис Џуниор и Дин Мартин за својот 70-ти роденден. Црниот кабриолет со црвен ентериер има изминато само 66.550 милји и неодамна добил освежување со нови делови и неколку реставраторски зафати вредни 47.000 фунти. По долго наддавање, Corniche бил продаден за 140.625 фунти или за 15.000 фунти над проценетата вредност.
Друг автомобилски класик со холивудски корени на наддавањето беше Willys Jeep MB од 1945 година, којшто бил продаден во 1980 година, по починувањето на американскиот актер и тркач. По пристигањето во Англија, возилото добило комплетен третман од специјалистот Jeeparts-UK. По жестоко наддавање, вклучувајќи четири понудувачи преку телефон, џипот на „King of Cool“, новиот сопственик плати 84.375 фунти.
Од колекцијата на Џеј Кеј, фронтмен на Џамиројквај, на наддавањето се појави еден од 505-те примероци од BMW E30 M3 Johnny Cecotto Ltd Editions од 1989 година (со 18.000 милји, продаден за £85,500), Mercedes-Benz 300SL од 1989 година, со ретка каросериска боја (продаден за £28,688), Porsche 911 (991) Targa 4S од 2015 година (продаден за £79,875), Ford Mustang 390GT Fastback ‘Bullitt’ од 1967 година (£54,000) и BMW 850 CSi Manual од 1996 година, со само 12.777 милји, кој се продаде за £85,500.
Мајк Бруер и Ант Анстед, од „Wheeler Dealers“, понудија врвно реставриран VW Beetle од 1958 година. Сумата од 33.750 фунти ќе биде префрлена во Фондот за истражување на тумор на мозок во Бирмингем.
Меѓу останатите впечатливи автомобили на наддавањето беа Aston Martin DB6 Sports Saloon од 1966 година (£214,313), Maserati 3500GT од 1960 година, лакиран во сива и црвена боја, (£145,000) и Facel Vega HK500 од 1960 година, со само 35.000 милји (£121,000).
Следната сезона наддавања започнува на 12-ти јануари 2019, на салонот НЕЦ во Бирмингем.
Во контекст со Ролсот, снимка на легендарните „Rat Pack“
https://youtu.be/ab68Z4U_cEw
