Дарко Јаконов
Трансформацијата од традиционални производители на автомобили до понудувачи на најразлични возила и услуги на мобилност го зафати и Seat. Шпанската марка на концернот Volkswagen синоќа го одбележа стартот на новата марка за мобилност Mo.
Под новата марка ќе се нудат и моторизирани превозни средства со две тркала од Seat. Понудата во почетокот ја сочинуваат моделите e-Kickscooter Seat Mó и e-Scooter Mó 125.
Вториот модел е достапен и во посебна изведба што е наменета за јавно достапни возни паркови во големите градови. Seat посебно ќе формира сопствена служба за мобилност со електрични возила во Барселона.
