за

Seat отвори „Хола Тапас Бар“ во Виена

Прочуениот готвач Хуан Амадор со три ѕвезди од Michelin ќе се погрижи гостите на ресторанот на Seat да уживаат во врвно подготвени шпански специјалитети.

Seat отвори „Хола Тапас Бар“ во Виена

На периферијата на Виена почна да работи „Хола Тапас Бар“ на Seat. Новиот ресторан ќе им пренесува дел од животот во Шпанија на жителите и гостите на австриската престолнина. За таа цел, марката од Марторел го ангажираше прочуениот готвач со три ѕвезди Хуан Амадор.

Со современ, медитерански дизајн, „Hola Tapas Bar“ нуди место за 80 гости на површина од 460 метри квадратни. Ресторанот се наоѓа во трговскиот центар Аухоф и поделен е на две подрачја, едното за Seat, второто за Cupra. Свеченото отворање се одржа во средината на август, со ограничен број гости, поради пандемијата. Виенскиот ресторан на Seat нуди и можност храната да се понесе дома или на работа.

Додека уживаат во шпанските специјалитети, гостите на „Hola Tapas Bar“ можат во релаксирана атмосфера да ги разгледаат најновите модели на Seat и Cupra. Тоа е можно физички, но и виртуелно, затоа што возилата се прикажуваат на видео ѕид и на повеќе екрани во ресторанот. Дополнително се нудат и лајфстајл-производи од бројните соработки на двете марки.

New photo by Automedia MK / Google Photos

Хуан Амадор е роден во 1968 година во Германија, како син на шпански гастарбајтери. Тој е меѓу малкуте готвачи што добиле три ѕвезди на Michelin за кусо време. „Hola Tapas Bar“ е најнов во низата ексклузивни ресторани на Амадор ширум светот, меѓу другото во Франкфурт на Мајна, во Лисабон и во Сингапур.

>>> Seat 1430 против новото комби Leon Sportstourer

Seat 1430 против новото комби Leon Sportstourer
Seat 1430 против новото комби Leon Sportstourer

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

илон маск во германија

Илон Маск во посета на гига-фабриката во Германија

Renault K-ZE

Renault се реорганизира, продажните рекорди повеќе не се целта