Кога полицијата ќе покаже стоп-палка на роботски автомобил без возач, дали тој ќе запре? Друго прашање е како возилото ќе се спречи да продолжи со возење? Одговорите на овие прашања ги знае Waymo, специјализирана фирма на Google
За роботски автомобил да се спречи самостојно да го продолжи возењето, треба да се отворат вратите. Така се наведува во прирачникот за итен случај што деновиве го објави Waymo, посестринската фирма на Google, специјализирана за подрачјето на автономното возење. Компанијата планира в година да започне со комерцијална примена на целосно автоматизирана такси служба. Прирачникот е наменет да ги информира полициските службеници и пожарникарите како да постапуваат во итен случај.
Кога ќе се отвори вратата на роботскиот автомобил, рачката на автоматскиот менувач треба да се постави во „P“. Спасувачките служби потоа треба да ги откачат и клемите на акумулаторот, во зависност од ситуацијата. Автомобилите на Waymo ќе соработуваат со полицијата и останатите служби. Кога камерите ќе препознаат сино ротациски светло, возилото се повлекува настрана и го ослободува патот. Истото важи и кога камерите ќе регистрираат полициска палка, за возилото да запре заради контрола или пишување казна. Во тој случај роботскиот автомобил самостојно бара соодветно место да запре.
Уште в година ќе почне комерцијална примена на роботско такси во САД
За службите за брза помош да ги запознаат функциите на автономното возење, Waymo ќе организира жешка телефонска линија што ќе биде достапна преку целото деноноќие. Обучените службеници ќе им помагаат на спасувачите и на полицајците да ја најдат сообраќајната дозвола, да ракуваат со ротацискиот контролер за функциите на автоматското возење, како и рачно да го исклучат роботското возење. Спасувачките сили ќе треба да внимаваат и на правилата за постапување при незгода со електрично возило, на пример како да ја сечат каросериската структура или да го прекинат доводот на струја од батеријата.
Waymo ќе биде меѓу првите компании што в година ќе започнат со комерцијална примена на роботски такси возила во САД. Alphabet, автомобилската компанија на Google, користи преработени ванови од Chrysler, во коишто се наоѓаат вообичаените педали и воланот. Автомобилскиот гигант General Motors прави чекор понапред и се откажува од каква било можност за мануелно ракување со возилата. Неговото роботско такси исто така треба да започне со работа во следната година.
Volvo сака роботските автомобили да ги заменат авионите
Ford испорачува храна со роботски автомобили во Мајами
