Renault Zoe е најпродаван електричен модел во Германија

Renault Zoe во јули имал историски рекорд на германскиот пазар. Со 5.307 нарачки и 2.854 новорегистрирани автомобили, електричниот модел на Французите претходно нема постигнато толку висока продажба на најголемиот автопазар во Европа.

Секако дека тоа му носи и прва позиција на Renault Zoe на ранг-листата на најпродавани модели во земјата, на којашто моментно се појавуваат дури 33 различни модели со погон само на струја. Бројот на нарачки за електромобилот бил десетпати поголем во споредба со ланскиот јули.

Бројот на новорегистрирани возила првпат надмина 2.000 примероци во еден календарски месец. Најдобриот месечен резултат досега беше 1.800 возила. Уште една посебност со Zoe во Германија: Не постои друга земја во којашто моментно се продаваат повеќе примероци од електричниот градски автомобил на Renault.

>>> Renault Twingo ќе вози на струја, цена 25.000 евра