за

Ram 1500 TRX е најбрзиот и најсилен пикап во светот

Hummer по долго време ќе се врати на сцената со електричен пикап, но некој веќе прави подобар „хамер“. Овој пикап со мотор 6,2 V8 Hemi со над 700 КС спринтува до темпо сто за пет секунди, а може и да влегува во река длабока до 80 сантиметри.

ram 1500 trx
Ram 1500 TRX

Ram 1500 TRX е предатор во светот на пикапите и го цементира реномето на Ram Truck како лидер на северноамериканскиот пазар на теренски пикапи. Ram TRX со 6,2-литарскиот Hemi V8 со механички компресор поставува нови мерила за моќта и перформансите меѓу пикапите во класата со носивост до половина тон.

Според Мајк Ковал, прв човек на специјализираната марка за пикапи во САД, „Ram има долга историја на пикапи со високи перформанси и TRX ја продолжува таа традиција, збогатувајќи го сегментот на лесни пикапи со најдобриот спој меѓу перформанси, способност, луксуз и технологија во класата.“

Со моќност од 702 КС и вртежен момент од 881 њутнметри, 6,2-литарскиот Hemi V8 со механички компресор му овозможува на Ram TRX да постигне крајна брзина од 190 километри на час. Во комбинација со осумстепен автоматски менувач TorqueFlite со способност да пренесува екстремни вредности на вртежен момент, пикапот забрзува до 60 милји на час (96 km/h) за 4,5 секунди, а четвртина милја совладува за 12,9 секинди, постигнувајќи крајни 174 километри на час.

Што се однесува до теренските својства, Ram TRX може да влезе во вода длабока до 80 сантиметри, може да влече приколка тешка близу 3.700 килограми, а максималната носивост му изнесува 600 килограми.

Ram 1500 TRX

Понеделник е добар ден за обожување пикапи, многу моќни покапи. Моќноста од 702 КС доаѓа од 6,2-литарски Hemi V8 со механички компресор

Posted by Automedia.mk on Monday, August 17, 2020

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Aston Martin Vantage 007 Edition

Два специјални модели на Aston Martin како од филм

ABT-Tuning RSQ8-R

Тјуниран Audi RS Q8 што е побрз и поскап од Urus