за

Тјуниран Audi RS Q8 што е побрз и поскап од Urus

Прочуената тјунерска работилница Abt нуди една од најекслузивните можности да се вози СУВ. Нивниот ABT RSQ8-R располага со 740 КС и вози до 315 km/h. Ексклузивецот ќе се изработи во 125 примероци.

ABT-Tuning RSQ8-R
ABT RSQ8-R

Abt во 2021 година ќе го прослави својот 125-ти роденден. Славеничката атмосфера почнува да се создава уште сега. За секоја од 125-те години постоење, Abt ќе изработи по еден примерок од фуриозниот СУВ на база на Audi RS Q8.

Престижното купе-СУВ на Audi уште од фабрика располага со 600 КС и со вртежен момент од 800 њутнметри, а покрај тоа постави и рекорд на Нирбургринг како најбрз СУВ. Тјунерската работилница во германскиот град Кемптен – нормално во Баварија – реагираше брзо по рекордот и понуди верзија со 700 КС и 880 њутнметри. Сега и од тоа има повеќе. Со контролен модул ABT Engine Control, заедно со посебно конструиран интеркулер, моќноста се зголеми на 740 КС, а вртежниот момент порасна на 920 њутнметри. Со посебна доплата, техничарите на Audi ќе го ослободат RSQ8-R да вози до 315 километри на час.

Ексклузивниот RSQ8-R со перформанси на суперспортски автомобил, својата надмоќ ја демонстрира и акустично. Abt вградува специјален издувен лонец, секако изработен од благороден челик. Со четири издувни цевки со пречник од 102 милиметри, моќта се демонстира и оптички.

Голема заслуга има и аеро-пакетот, кој е дело на сопственните аеродинамичари. Пакетот се состои од 16 компоненти изработени од карбон, почнувајќи од додаток за предниот браник, до задниот спојлер. До максимални граници се одело и во димензијата на бандажите. Станува збор за ABT High Performance HR со смалена тежина и пречник од 23 инчи, на коишто се монтирани гуми 295/35 R23.

Пневматското подвозје прави големо шоу, но секако дека постигнува придонес и за исклучителните возни својства. Во комфорното ниво, каросеријата се спушта за 25 милиметри, а во динамичното ниво за 15 милиметри. Каросеријата може да се донесе уште 10 милиметри пониско до асфалтот во кафе-модусот.

Врвната изработка на воланот, заедно со специјалната капа за копчето за старт и со капата за бирачот за возење, сведочат за врвното занаетчиско мајсторство што се применува во Abt. Посебен детал се плочките на праговите на коишто е напишан редниот број на конкретниот примерок во серијата.

Возачите што веќе имаат „набавено“ RS Q8, прерабoтката во Abt и тјунирањето на 740 КС ќе ги чини 68.138 евра. Доколку тоа не е случај, Abt комплетно тјуниран примерок од RSQ8-R ќе испорача за 211.432 евра.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

ram 1500 trx

Ram 1500 TRX е најбрзиот и најсилен пикап во светот

Британците годишно трошат 5,5 милиони часови барајќи го паркираното возило

Британците годишно трошат 5,5 милиони часови барајќи го паркираното возило