Дарко Јаконов
Додека се подготвува здружувањето меѓу Peugeot S.A. и Fiat Chrysler Automobiles, новите партнери на автомобилската сцена денес објавија дека корпоративното име на нивната групација ќе гласи Stellantis.
Зборот Stellantis влече корен од латинскиот глагол „stello“, што значи „да се просвлетли со ѕвездите“. Името ќе се користи исклучиво на ниво на групација, како корпоративен бренд. Следниот чекор ќе биде откривање на логото со името, што ќе го претставува идентитетот на корпоративниот бренд. Имињата и логоата на марките што влегуваат во составот на групацијата Stellantis не се менуваат.
Здружувањето се очекува да биде комплетирано во првото тромесечје од 2021 година. Тоа ќе зависи и од моментната истрага што ја водат институциите на ЕУ, со цел да се спречи евентуалниот монопол на Peugeot и Fiat на пазарот на доставни возила, кој значително би им наштетил на останатите производители во овој пазарен сегмент.
Спојувањето меѓу Peugeot и Fiat може да се одложи
