за

Peugeot со четири модели во Топ 50 на магазинот Diesel Car

Четири модели на Peugeot се најдоа меѓу најдобрите 50 автомобили со дизел мотор, во изборот на британскиот специјализиран магазин Diesel & Eco Car.

Го гледате лавот на сликата?
Го гледате лавот на сликата?

Најдобро оценет автомобил на Peugeot со дизел мотор е СУВ-моделот 3008, којшто се најде на подиумот, додека на списокот на 50 најдобри модели според специјалистите на Diesel & Eco Car има уште три модели под знакот на лавот.

Peugeot 3008 е на подиумот, на третото место во изборот на најдобрите модели со дизел мотор што се достапни на британскиот пазар. Како модел што и претходно има остварувано пласман во Топ 50, Peugeot 3008 ги убеди експертите на Diesel Car со комфорот што го нуди и за возачот и за патниците, и со стилскиот дизајн, како на каросеријата, така и на внатрешноста.

Јан Робертсон, уредник и издавач на Diesel&EcoCar, кажува: „Фејслифтот му донесе уште повпечатлив изглед и ентериер на 3008, без да се разводнат атрибутите што доведоа тој да биде Топ 50победник во изминатите години. Одличен за возење, префинет и комфорен, 3008 исто им удоволува и на возачот и на патниците. Дизајнот на внатрешноста е посебен, исто како и големиот и практичен багажник.“

Најновиот модел што се придружи во гамата на Peugeot е 308, којшто на британскиот пазар дебитираше во почетокот на годинава. Тоа е воедно и првиот модел што го покажа на себе новото лого на Peugeot. Моделот секако дека го привлече вниманието на жирито на Diesel Car. Компактот се најде на 10-то место, со посебни оцени од жирито за дневните светла во форма на заби очници и со PEUGEOT i-Cockpit.

На 20-то место е големиот СУВ-седумсед 5008, со исти освежувања како 3008. Градскиот модел и повеќекратно наградуван Peugeot 208, ја има 18-та позиција во Топ 50 најдобри дизели. На жирито му се допаднаа посебно цената и штедливоста, но и темпераментните возни својства и корисната технологија што му помага на возачот.

Тест-возење на Peugeot 308: Колку француски може да биде еден автомобил?

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Jaguar Land Rover има работа за отпуштените работници од Twitter и Facebook

Тест · Citroen C5 Aircross SUV · Кога го асфалтирале патот?