за

Jaguar Land Rover има работа за отпуштените работници од Twitter и Facebook

Британскиот производител Jaguar Land Rover ги бара отпуштените работници од Twitter и Facebook, коишто се вреден кадар за автономното возење и вештачката интелигенција.

Производителот на Jaguar и Land Rover денес излезе со соопштение, дека сака да ги регрутира работниците што се отпуштени од технолошките компании, односно од платформите на Meta и од Twitter.

Jaguar Land Rover сака да вработи околу 800 работници во Велика Британија, во САД, Ирска, Индија, Кина и Унгарија. Слободните работни места се во подрачјата за автономно возење, вештачка интелигенција, електрификација, софтвер за податочен облак, истражување на податоци и машинско учење.

Техно-компаниите го скусуваат работниот кадар и го забавуваат вработувањето на нови кадри, соочувајќи се со високи камати, ослабната потрошувачка, како и силен долар.

Мајчинската компанија на Facebook, Meta, скусува околу 11.000 работни места. Тоа е прв масовен бран отпуштања во историјата на компанијата за друштвени медиуми. Во исто време, Twitter под режија на новиот сопственик Илон Маск, нареди масивно скусување на трошоците, а голем број вработени ја напуштија компанијата.

JLR, којшто е во сопственост на индискиот Tata Motors, вели дека вработените што ги бара во своите редови, поседуваат вештини што се клучни за развој и конструирање на идната генерација електрични автомобили на вредните британски марки.

Пристап до слободните работни места во Jaguar Land Rover

https://www.jaguarlandrovercareers.com/

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Хрватскиот Rimac на струја е побрз од Bugatti со 16 цилиндри

Го гледате лавот на сликата?

Peugeot со четири модели во Топ 50 на магазинот Diesel Car