Голем број Американци летово првпат ги посетиле светски прочуените национални паркови и кампови. Анкета што ја спроведе Chevrolet го потврдува подемот на патувањата со автомобил низ земјата. Четири од пет Американци оцениле дека патувањата им помогнале да го поправат расположението во услови на пандемијата.
Во пресрет на американскиот Ден на трудот, кога обично се најмасовни патувањата за викенд, Chevrolet спроведе истражување за тоа каде Американците патувале во претходните шест месеци и какви искуства стекнале. Уште еден повод за анкетата е пристигањето на новите моделски годишта на Chevrolet Tahoe и Suburban, за кои е сосем јасно дека се совршени за долгите семејни патувања.
Возилата се претвориле во спасоносен излез од домот за голем број Американци, за посети на дестинации во природа, како плажи или планинарски патеки. Три четвртини од анкетираните лица ги ценат патувањата со автомобил повеќе отколку пред пандемијата. Дури 80 проценти од луѓето што патувале често, изјавиле дека тоа биле „едни од најсреќните моменти“ од март наваму.
Истражувањето открива дека на 89 проценти од Американците, автомобилот им овозможил безбедно да заминат подалеку од домот и да внесат промени во секојдневната едноличност поради пандемијата.
Главните заклучоци на студијата:
- 20% првпат ги посетиле националните паркови
- Повеќе од 1 од секој десет Американци кампување првпат
- 41% патувале на места што не ги знаеле претходно
- Меѓу главните активности биле посетата на плажи (41%), планинарењето (31%), рибарењето (29%) и посетата на национални паркови (27%).
Откако истражиле нови предели, четири од десет патници изјавиле дека повеќе ги ценат активностите во природа (43%) и домашните патувања (38%). Дури 56% го ценат автомобилот како „дел од семејството“.
Во делот од анкетата што се однесува на возилата, 53% од Американците сметаат дека поголем багажник би придонел нивното искуство да биде уште подобро. Просторот со соборени задни седишта во Tahoe е со зафатнина од 3.480 литри (!), додека во Suburban има на располагање близу 4.100 литри. Тоа е двојно повеќе од европско комби од средна класа.
Претстојат уште бројни патувања: 41 проценти од патувањата до крајот на годинава се планираат за Денот на благодарноста или за време на зимските празници.
https://www.instagram.com/p/CB56UelHyIq/