Во време кога се заминува на летен одмор и во време кога некои пак избираат да се издвојат од метежот поради корона, производителите на опрема за кампување се најактивни. Посебно за пикапи како Mitsubishi L200 е изработен шатор што едноставно се поставува врз возилото.
Во понудата од прибор на Mitsubishi имаме сретнато најразлични практични изуми и решенија за кои многумина претходно не знаеле дека им недостигаат. Јапонската марка останува доследна на традицијата и нуди шатор за пикап.
Оваа суштинска опрема за кампување е производ на Gentle Tent, а моделот се нарекува GT Pick-up. Со помош на електрична пумпа за воздух што се приклучува на 12-волтната мрежа на возилото, едно лице може самостојно да го постави шаторот. Неговата тежина е 27 килограми, а кога не се користи, шаторот е педантно скапуван во кутија на покривот.
Кога ќе се отвори, шаторот нуди простор за спиење со површина од 140 на 220 сантиметри на покривот. На тоа следи и слободен простор во товарната платформа, каде човек може да се движи нормално исправено.
Тоа што на прозорците се поставени заштитни мрежи од комарци и изведени се отвори за проветрување, ја навестува и цената на шаторот од прочуениот материјал Тенкејт: Околу 3.500 евра.